कांग्रेसद्वारा संसद अवरुद्ध
माघ—८, काठमाडौं ।
प्रमुख प्रतिपक्षी दल नेपाली कांग्रेसले मंगलबार बसेकाे संसद बैठक अवरुद्ध गरेकाे छ । कांग्रेस संसदीय दलको बैठकले माग पूरा नभएसम्म संसद अवरुद्ध गर्ने निर्णय गरे अनुसार आज पनि संसद अवरूद्ध गरेकाे हाे ।
कांग्रेसका पूर्वसभापतिद्धय गिरिजाप्रसाद कोइराला र सुशील कोइरालाको नाममा तनहुँ र बाँकेमा सञ्चालित दुई अस्पताललाई सरकारले केन्द्र सरकारको मातहतमा नराखी विघटनको प्रक्रियामा अघि बढाएपछि प्रमुख विपक्षी दलले विरोध गर्दै सोमबारको बैठक अबरुद्ध गरेको थियो।
त्यसपछि आज दिउँसो ३ बजेका लागि तय भएको बैठक सभामुख कृष्णबहादुर महराले सुरू गर्नासाथ प्रमुख प्रतिपक्षी दल नेपाली कांग्रेसका सांसदहरू उभिएर विरोध जनाएका थिए।
सभामुख महराले कांग्रेसका नेता प्रकाशमान सिंहलाई बोल्न समय दिएका थिए। उनले सरकारको निर्णय नसच्याएसम्म सदन चल्न नसक्ने अडान लिँदै कांग्रेसले आजको बैठक बेल घेराउ गरेको छ।
...









