डीएनए परीक्षणका लागि प्रहरीले स्थानीयको रगत संकलन गरेपछि छिमेकी रिसाए— निर्मला पन्तकी आमा
माघ—६, कञ्चनपुर।
कञ्चनपुरकी १३ वर्षीया बालिका निर्मला पन्तको हत्याबारे छानबिन गर्न प्रहरीले डीएनए परीक्षणका लागि स्थानीयको रगत संकलन गर्न थालेपछि छिमेकी रुष्ट बनेका छन् ।
प्रहरीले रगत संकलन गर्न थालेसँगै निर्मलाका परिवारसँग छिमेकीको सम्बन्ध चिसिँदै गएको हो । घटनाको सुरुवातदेखि नै सहयोग गर्दै आएकामाथि नै शंका गर्दै प्रहरीले डीएनए परीक्षणका लागि रगत संकलन गर्न थालेपछि निर्मलाकी आमासँग छिमेकी रुष्ट भएका हुन् ।
आमाले नै नाम दिएकाले प्रहरीले आफूहरुको डीएनए परीक्षण गर्न रगत संकलन गरेको छिमेकीको आरोप छ ।
निर्मलाकी आमा दुर्गादेवी पन्तले प्रहरीले रगत संकलन गरेपछि छिमेकीहरु आफूसँग रुष्ट बनेको गुनासो गरिन् । ‘सुरुमै प्रहरीको लापरवाहीका कारण अहिलेसम्म दोषी पत्ता लाग्न सकेन, उनले भनिन्, ‘दोषी पत्ता लगाउन भन्दै प्रहरीले स्थानीय युवाको रगत संकलन गरेपछि छिमेकीहरु मसँग रुष्ट हुन थाले, मैले नै न...









