शुक्र, मंसिर ५, २०८३
Fri, November 20, 2026
Shadow

अपराध

विभिन्न बहानामा यात्रुलाई ठग्ने ६ हजार ट्याक्सी चालक कारबाहीमा

विभिन्न बहानामा यात्रुलाई ठग्ने ६ हजार ट्याक्सी चालक कारबाहीमा

अपराध, समाचार, समाज
काठमाडौं— २२, माघ । महानगरीय ट्राफिक प्रहरी महाशाखाले विभिन्न बहानामा यात्रुलाई ठग्ने छ हजार ६६४ ट्याक्सी चालकलाई कारवाही गरेको छ । महाशाखाको टोलीले चालु आर्थिक वर्षमा कानूनविपरीतका कार्य गरी मिटरमा जान नमान्ने, मिटर बिगार्ने, भाडा अनियमितता गर्ने, बढी भाडा लिने ट्याक्सीका चालकलाई कारवाही गरेको हो। महाशाखाले आव २०७२/७३ मा दुई हजार ७९५, २०७३/७४ मा चार हजार ५१८ र २०७४/७५ मा आठ हजार १२० ट्याक्सी चालकलाई कारवाही गरेको थियो। महाशाखाका प्रमुख एवं प्रहरी वरिष्ठ उपरीक्षक वसन्त पन्तले यात्रुसँग मोलमोलाइ गरी बढी भाडा लिने ट्याक्सी चालकका लागि विशेष अभियान सञ्चालन गरी कारवाही गरिएको बताए। 'दैनिक ४० देखि ५० ट्राफिक प्रहरीलाई बढी भाडा लिने ट्याक्सी जाँचका लागि पठाउँदै आएका छौँ', उनले भने। बढी भाडा लिने ट्याक्सी चालकसँग ट्राफिक प्रहरीले तीन हजार जरिवाना गर्ने गरेको छ। त्यस्तै, पाँच पटकभन्दा ...
सस्तो दरमा फार्मेसी पढाइदिने नाम्मा ३२ लाख ठगी गर्ने महिला पक्राउ

सस्तो दरमा फार्मेसी पढाइदिने नाम्मा ३२ लाख ठगी गर्ने महिला पक्राउ

अपराध, समाचार, समाज
झापा— २१, माघ । सस्तो दरमा मेडिकल कलेजमा फार्मेसी पढाइदिने भन्दै विभिन्न महिलाबाट ३२ लाख रुपैयाँ ठगी गर्ने एक महिला प्रहरीको नियन्त्रणमा परेकि छिन् । पक्राउ पर्नेमा गौरादह नगरपालिका–९ की ४५ वर्षीया शान्ति प्रसाई रहेकी छिन् । अर्जुनधारा नगरपालिका–६ की बन्दना ढकाल लगायतका महिलाहरुलाई प्रतिव्यक्ति ५ लाखमै फार्मेसी पढाइ दिने भन्दै प्रसाईले कुल ३२ लाख रुपैयाँ ठगी गरेको प्रहरीले जनाएको छ । प्रसाईले कतिजनालाई ठगी गरेको छिन भन्ने खुलिनसकेको जिल्ला प्रहरी कार्यालय झापाका प्रहरी प्रवक्ता डिएसपी महेन्द्र श्रेष्ठले जनाएका छन । ‘संख्या खुलेको छैन, महिलाहरुको उजुरी आउने क्रम जारी छ,’ श्रेष्ठले भने, ‘पक्राउ परेकी प्रसाईंले आफू स्वास्थ्य मन्त्रीको स्वकीय सचिव हुँदा प्रकाश मगरलाई मेडिकल कलेज दिलाइदिएको र सोही कलेजमा पढनु भन्दै ठगी गरेको जाहेर परेको छ ।’ उनी कुनै पनि मन्त्रीको स्वकीय सचिव नरहेको सम...
साइबर अपराधमा युवावर्ग बढीः एक वर्षमा ९२६ उजुरी दर्ता

साइबर अपराधमा युवावर्ग बढीः एक वर्षमा ९२६ उजुरी दर्ता

अपराध, समाचार, समाज
काठमाडौं— २०, माघ । आफूले नचिनेको व्यक्तिलाई सामाजिक सञ्जालमा साथी बनाउँदा साइबर अपराध बढेर गएको छ । पछिल्लो समय सामाजिक सञ्जालको प्रयोग बढेसँगै फेसबुक, ट्वीटर, भाइवर, गुगलजस्ता सञ्जालमा नयाँ खाता खोलेर मानिसले पैसा लुट्ने, अर्को व्यक्तिको हैसियत सिध्याउने घटना बढेको हो । महानगरीय अपराध महाशाखामा चालू आर्थिक वर्षमा साइबर अपराधसम्बन्धी ९२६ उजुरी दर्ता भएका छन् । महाशाखाका प्रवक्ता एवं प्रहरी उपरीक्षक नरेन्द्रप्रसाद उप्रेती सामाजिक सञ्जाल फेसबुक, ट्वीटरमा चिठ्ठा प¥यो भनेर रु एक करोडसम्म ठगी गरेको उजुरी महाशाखामा परेको बताउँछन् । “विदेशमा बसेर सामान पठाइदिन्छु पैसा पठाइदिनुहोस् भनेरसमेत ठगी भएको छ”, उनी भन्छन् । महाशाखाका अनुसार युवावर्ग बढी सङ्ख्यामा साइबर अपराधमा लागेका छन् । जसमध्ये १५ देखि २५ वर्षसम्मका युवा धेरै साइबर अपराधमा लाग्ने गरेका छन् महाशाखाका प्रमुख एवं प्र...
अस्पताल भित्रैबाट  बिमारीका आफन्त लुटिए

अस्पताल भित्रैबाट बिमारीका आफन्त लुटिए

अपराध, समाचार, समाज
धरान— १७, माघ । सुनसरीको बिपी कोइराला स्वास्थ्य विज्ञान प्रतिष्ठान धरानमा सुरक्षाको जिम्मेवारी पाएको केटिएम सेक्युरिटी प्रालिको लापर्वाहीले बिमारीका कुरुवा लुटिएका छन् । मेडिसिन युनिट १ वार्डमा आज बिहान तीन जना बिमारीका आफन्त लुटिएका छन् । उनीहरुको चार वटा मोबाइल, एक वटा चाँदीको औँठी एउटा बाला र नगद रु चार हजार ९०० लुटिएको विर्तामोड घर भएका बिमारीका आफन्त अमृतेश ठाकुरले जानकारी दिए । ठाकुरले श्रीमती सम्झना ठाकुरको पित्तथैलीको शल्यक्रिया गरी युनिट १ सर्जरी वार्डमा राखेका थिए । राति चार्ज गरिरहेको बेला उनको मोबाइल हराएको थियो । यस्तै धरानका सनम राईको दुई वटा मोबाइल, ताप्लेजुङकी सीता इजमको दुई वटा औँठी, चुरा, झोला र रु तीन हजार ४०० नगद लुटिएको थियो । मोबाइल, पैसा र गहना लुटपाट भएपछि कुरुवाकै सक्रियतामा लुटेराको खोजी गरी प्रहरीलाई बुझाएका छन् । धनकुटा छिन्ताङ घर भएका राम थापा...
महोत्तरीको रातु नदीमा नदीजन्य वस्तुको अनियन्त्रित दोहन बढ्दो

महोत्तरीको रातु नदीमा नदीजन्य वस्तुको अनियन्त्रित दोहन बढ्दो

अपराध, समाचार
बर्दिवास— १७, माघ । पछिल्ला दिनमा खासगरी यो वर्षको प्रारम्भसँगै जिल्लाका बर्दिवास, भङ्गाहा र गौशाला नगरपालिका क्षेत्रमा धमाधम बग्रेल्ती क्रसर उद्योग खुलेका र नदीबगर तथा नदीउकास क्षेत्रमा अनियन्त्रित उत्खनन भइरहेको गुनासो बढेको छ । “रातु नदीमा बाढी आउँदा हाम्रो खेत घर बढार्छ, हामीले चम्को लगाउन ढुङ्गा खोज्दा कानून देखाइन्छ”, बर्दिवास–६ कृष्णपुरका सामाजिक कार्यकर्ता निल लुम्रेले भन्नुभयो, “यी अजङ्गका खाल्डा बनाएर ठाउँ नै कुरुप बनाउनेलाई चैँ कानून रहेनछ ?” नदीबगर क्षेत्रमा बग्रेल्ती क्रसर खुल्दै जानु र यिनको अनियन्त्रित दोहन बढ्दा पनि अनुगमन नहुनु र नियन्त्रण नगरिनुले हाम्रै प्रतिनिधि र प्रहरी प्रशासनको संरक्षण पाएका त हैनन् भन्ने आशङ्का बढाएको लुम्रेको थप भनाइ छ । पछिल्ला दिनमा यस्ता गुनासा बढेसँगै थालिएको अनुगमनकै क्रममा बर्दिवास नगरपालिकाको कार्यालयले भने स्थानीयतहको निर्वाचन सम्पन्न...
लागुऔषध गाँजासहित एक पक्राउ

लागुऔषध गाँजासहित एक पक्राउ

अपराध, समाचार, समाज
वीरगञ्ज— १७, माघ । सशस्त्र प्रहरी बल भन्सार सुरक्षा गुल्मले लागुऔषध गाँजासहित आज बिहान एक जनालाई पक्राउ गरेको छ । पक्राउ पर्नेमा ठोरी गाउँपालिका–१ पकहामैनपुर बस्ने ३० वर्षीय कोजा मियाँ हजाम रहेका छन् । जाँच गर्दा निजले झोलाभित्र लुकाई पाँच किलो तयारी गाँजा भारततर्फ लैजान लागेकाले पक्राउ गरिएको निमित्त गुल्मपति सशस्त्र प्रहरी निरीक्षक पदम खड्काले बताउनुभयो । गाँजासहित पक्राउ परेका हजामलाई कारवाहीका लागि इनर्वास्थित प्रहरी चौकीमा पठाइएको छ ।रु तीन हजार प्रतिकिलोका दरले तस्करले सो गाँजा खरीद गरी भारतमा रु १५ देखि २० हजार प्रतिकिलोमा बेच्न सकिने भएकाले यस्को तस्करी बढेको बताइएको छ । (रासस)...
पुर्पक्षका लागि थुनामा रहेका श्रीमती हत्या आरोपी कारागारभित्रै ‘झुन्डिए’, हत्या भन्दै आफन्त आन्दोलित

पुर्पक्षका लागि थुनामा रहेका श्रीमती हत्या आरोपी कारागारभित्रै ‘झुन्डिए’, हत्या भन्दै आफन्त आन्दोलित

अपराध, समाचार, समाज
दोलखा— १५, माघ । श्रीमती हत्या आरोपमा पुर्पक्षका लागि थुनामा रहेका दोलखा, कालिञ्चोक गाउँपालिका–५, लापिलाङका २४ वर्षीय च्याङ्गा शेर्पाको मृत्यु भएपछि आफन्त आन्दोलित बनेका छन् । उनीहरुले बुधबार जिल्ला प्रहरी कार्यालय घेराउ गरेर प्रदर्शन गरेका छन् । प्रहरीले शेर्पाले कारागारभित्रै आत्महत्या गरेको दाबी गरेको छ । परिवारले भने आत्महत्या नभइ हत्या भएको आरोप लगाएको छ । अदालतको आदेशपछि शेर्पालाई मंगलबारमात्रै पुर्पक्षका लागि कारागार चलान गरिएको थियो । शेर्पाले कारागारभित्रै शौचालयको झ्यालमा जुत्ताको लेसमा झुन्डिएर आत्महत्या गरेको दोलखाका प्रहरी प्रमुख प्रहरी नायव उपरीक्षक वासुदेव पाठकले बताए । मृतक शेर्पाको शवलाई पोस्टमार्टमका लागि प्राथमिक स्वास्थ्य केन्द्र चरिकोटमा राखिएको छ । शेर्पालाई दोलखा प्रहरीले गएको पुस २० गते श्रीमतीको हत्या गरेको अभियोगमा पक्राउ गरेको थियो । शे...
ललितपुर जिल्ला अदालतद्वारा जबरजस्ती करणी मुद्दामा ८ वर्ष कैद फैसला

ललितपुर जिल्ला अदालतद्वारा जबरजस्ती करणी मुद्दामा ८ वर्ष कैद फैसला

अपराध, समाचार, समाज
ललितपुर — १५, माघ । ललितपुर जिल्ला अदालतले बालिकालाई आपसी सहमतिमा यौन सम्पर्क गरेको एक मुद्दामा जबरजस्ती करणी ठहर्ने फैसला गरेको छ । अदालतले आश्राङका २३ वर्षीय दीपेन्द्र लोलाई १४ वर्षमुनिकी एक बालिकालाई जबरजस्ती गरेको ठहर गरेको हो । न्यायाधीश रमेशप्रसाद रिजालको एकल इजलासले उक्त मुद्दाको विस्तृत फैसला लेख्दै मुलुकी ऐन जबरजस्ती करणी महल बमोजिम ८ वर्ष कैद सजाय तोकेको हो । अदालतले गरेको फैसलामा वाग्मती गाउँपालिका–४ स्याउलेका लो र बालिकाबीच प्रेम सम्बन्ध रहेको र दुवैको सहमतिमा जेठ ५ मा यौन सम्पर्क गरेको उल्लेख छ । तर, यसबारेमा बालिकाका आफन्तले घटना घटेको ६ दिनपछि जाहेरी दरखास्त दिए । अदालतको बयानमा पनि बालिकाले आपसी सहमतिमा यौन सम्पर्क भएको बयान दिइन् । तैपनि लोलाई १४ वर्षमुनिकी बालिका भएकाले सजाय ठहर हुने भन्दै कैद सजाय तोकेको हो । फैसलाको निचोडमा दुवै दुर्गम गाउँमा बस्ने र कानुनी...
नागढुंगाबाट लागुऔषधसहित दुईजना प्रहरीको नियन्त्रणमा

नागढुंगाबाट लागुऔषधसहित दुईजना प्रहरीको नियन्त्रणमा

अपराध, समाचार, समाज
काठमाडौं — १५, माघ । महानगरीय प्रहरी प्रभाग नागढुंगाले लागुऔषधसहित दुईजनालाई पक्राउ गरेको छ । प्रभागको टोलीले सर्लाहीबाट काठमाडौं आउँदै गरेको ना७ख ७०७३ नम्बरको बस र वीरगन्जबाट काठमाडौं आउँदै गरेको ना७ख ५११३ नम्बरको बस जाँचकाक्रममा महोत्तरीका १९ वर्षीय प्रविणकुमार पाण्डे र मकवानपुरका ३० वर्षीय विकास भ्लोनलाई मंगलबार दिउँसो पक्राउ गरेको हो । प्रहरी निरीक्षक ज्ञानबहादुर खड्काले छुट्टा–छुट्टै सवारी जाँचकाक्रममा पाण्डेसँग ६०० ट्याब्लेट नाइट्राभेट र भोलनसँग ९० एम्पुल नुर्फिन, ९० एम्पुल फेनार्गन र ९० एम्पुल डाइजेल्याब बरामद गरिएको जानकारी दिए । पक्राउ परेका दुवैलाई अनुसन्धानका लागि महानगरीय प्रहरी वृत्त थानकोट पठाएको छ । (रासस)...
पूर्वी चितवनमा धारीलो हतियारले घोचेर महिलाको हत्या

पूर्वी चितवनमा धारीलो हतियारले घोचेर महिलाको हत्या

अपराध, समाचार, समाज
चितवन — १५, माघ । पूर्वी चितवनको राप्ती नगरपालिका–६ मुडाभारमा गए राति धारीलो हतियार प्रयोग गरी एक महिलाको हत्या भएको छ । जिल्ला प्रहरी कार्यालयका अनुसार हत्या हुनेमा स्थानीयवासी अन्दाजी ५२ वर्षीया रुपा थापा रहेकी छन् । सहायक प्रमुख जिल्ला अधिकारी जनकराज पन्तले घटनाको विवरण प्राप्त भएसँगै प्रहरी नायब उपरीक्षकको नेतृत्वमा प्रहरी टोली घटनास्थलमा पठाइएको बताए । प्रारम्भिक विवरणमा थापाको हत्या भएको जनाइएको भए पनि विस्तृत विवरण आइनसकेको उनले बताए । प्रहरी नायब उपरीक्षक दुर्गाराज रेग्मीले घटनाको वास्तविक विवरण आउन बाँकी रहेको बताए । घटनाको अनुसन्धानका लागि कुकुरसहित आफूसमेत जाँदै गरेको उनले बताए । घटनास्थलमा रहेकी राप्ती नगरपालिकाका प्रमुख प्रभा बरालले रातिमा हतियारले घोचेर हत्या गरिएको बताइन । घरमा १४ वर्षीय बालकसँगै रहेकी थापाको क्रुरुरतापूर्वक हत्या गरिएको छ । परिवार...