मेलम्चीको पानी यो दशैंमा पनि काठमाडौं नआउने
भदाै २३ काठमाडौं । केपी ओली नेतृत्वको सरकार बनेलगत्तै काठमाडौंवासीले मेलम्चीको पानी खान पाउने घोषणा गरिएको थियो । प्रधानमन्त्री ओली मात्रै होइन, खानेपानीमन्त्री विना मगरले वर्षेनी मेलम्चीको पानी दशैंमा आउने बताउँदै आएकी थिइन् । ९७ प्रतिशतभन्दा पूरा निर्माण भइसकेर पनि मेलम्चीको पानी काठमाडौं कहिले आउने हो भन्ने अझै निश्चित छैन ।
तीन महिनाअघि मात्रै पनि मन्त्री मगरले दशैंसम्म पानी काठमाडौंवासीले खान पाउने बताएकी थिइन् । तर, भदौको अन्तिम साता आएर अझै तीन महिना पानी नआउने समाचार आएको छ ।
आयोजनाको सुरुङमा रहेको गेटको फ्रेम परिवर्तन गर्न समय लाग्ने हुँदा तत्काल उपत्यकामा पानी आउने सम्भावना नभएको बताइएको छ। खानेपानी मन्त्रालयले गत आर्थिक वर्षमा असार मसान्तसम्म उपत्यकामा पानी झार्ने र पाइपको परीक्षण गर्ने लक्ष्य लिएको थियो।
अगामी दशैँसम्ममा उपत्यकावासीको घरघरमा पानी पुर्याउने लक्ष्य लिइ...








