नेपाल आज कुवेतविरुद्ध प्रतिस्पर्धा गर्दै
काठमाडौँ —चैत ११ ।
नेपाली राष्ट्रिय फुटबल टोलीले सोमबार कुवेतविरुद्ध दोस्रो अन्तर्राष्ट्रिय मैत्रीपूर्ण खेल खेल्दै छ । पहिलो खेलमा कुवेतलाई गोलरहित बराबरीमा रोकेको नेपालले दोस्रो खेलमा पनि घरेलु टोलीलाई बराबरीमा रोक्ने लक्ष्य राखेको छ । कुवेतविरुद्धको गोल खडेरी आजको खेलमा तोडिने विश्वास लिएको छ । ‘हामी आजको प्रतिस्पर्धामा बराबरीका लागि नै प्रयास गछौँ,’ नेपाली टोलीका प्रमुख प्रशिक्षक योहान कोलिनले नयाँ पत्रिकासँग भने ।
रोक्नु मुख्य चुनौती
पहिलो खेलमा सनसनीपूर्ण बराबरी गरेपछि उत्साही बनेको नेपाल दोस्रो खेलमा आत्मविश्वासी प्रदर्शनका लागि मैदान उत्रने प्रशिक्षक कालिनले जानकारी दिए । पहिलो खेलकै स्पिड दोस्रो खेलमा पनि जारी राख्ने गरी तयारी गरेको उनले बताए । कोलिनले भने, ‘पहिलो खेलपछि दोस्रो खेलमा उनीहरू केही आक्रामक हुनेछन् । हामी उनीहरूको चुनौतीलाई रोक्नका लागि मैदानमा उत्रन्छौँ ।’ कोलि...









