आइत, मंसिर ७, २०८३
Sun, November 22, 2026
Shadow

समाज

पूर्वी चितवनमा धारीलो हतियारले घोचेर महिलाको हत्या

पूर्वी चितवनमा धारीलो हतियारले घोचेर महिलाको हत्या

अपराध, समाचार, समाज
चितवन — १५, माघ । पूर्वी चितवनको राप्ती नगरपालिका–६ मुडाभारमा गए राति धारीलो हतियार प्रयोग गरी एक महिलाको हत्या भएको छ । जिल्ला प्रहरी कार्यालयका अनुसार हत्या हुनेमा स्थानीयवासी अन्दाजी ५२ वर्षीया रुपा थापा रहेकी छन् । सहायक प्रमुख जिल्ला अधिकारी जनकराज पन्तले घटनाको विवरण प्राप्त भएसँगै प्रहरी नायब उपरीक्षकको नेतृत्वमा प्रहरी टोली घटनास्थलमा पठाइएको बताए । प्रारम्भिक विवरणमा थापाको हत्या भएको जनाइएको भए पनि विस्तृत विवरण आइनसकेको उनले बताए । प्रहरी नायब उपरीक्षक दुर्गाराज रेग्मीले घटनाको वास्तविक विवरण आउन बाँकी रहेको बताए । घटनाको अनुसन्धानका लागि कुकुरसहित आफूसमेत जाँदै गरेको उनले बताए । घटनास्थलमा रहेकी राप्ती नगरपालिकाका प्रमुख प्रभा बरालले रातिमा हतियारले घोचेर हत्या गरिएको बताइन । घरमा १४ वर्षीय बालकसँगै रहेकी थापाको क्रुरुरतापूर्वक हत्या गरिएको छ । परिवार...
सुर्खेतको भेरीगङ्गामा पाँच जुवाडे पक्राउ

सुर्खेतको भेरीगङ्गामा पाँच जुवाडे पक्राउ

अपराध, समाचार, समाज
सुर्खेत — १५, माघ । इलाका प्रहरी कार्यालय छिन्चुले गएराति भेरीगङ्गा नगरपालिका–१० टोलीखोला पुल नजिकको कटेजको जुवाखालबाट पाँच जुवाडे पक्राउ गरेको छ । नगद रु ४१ हजार ९०० सहित उनीहरुलार्इ नियन्त्रणमा लिई कानूनबमोजिम कारवाहीका लागि अनुसन्धान प्रक्रिया अघि बढाइएको प्रहरी नायब उपरीक्षक दीपेन्द्रबहादुर क्षेत्रीले जानकारी दिए । त्यसैगरी प्रहरीले सोमबार लागुऔषधसहित वीरेन्द्रनगर नगरपालिका–६ राधाकृष्ण मन्दिर नजिकबाट १९ वर्षीय समित अन्सारीलाई पक्राउ गरेको छ । (रासस)...
झापाको बिर्तामोडबाट दुई जना लागुऔषध सहित पक्राउ

झापाको बिर्तामोडबाट दुई जना लागुऔषध सहित पक्राउ

अपराध, समाचार, समाज
झापा — १५, माघ । लागुऔषध बेचबिखन गर्ने दुई जनालाई बिर्तामोडबाट प्रहरीले पक्राउ गरेको छ । अर्जुनधारा नगरपालिका–११ का ३५ वर्षीय विनोद श्रेष्ठ (प्रधान) र सोही स्थानका ३२ वर्षीय दिनेश प्रधान लागुऔषध सहित पक्राउ परेका छन् । लागुऔषध बेचबिखन गर्ने गरेको सूचनाका आधारमा इलाका प्रहरी कार्यालय बिर्तामोडको प्रहरी टोली श्रेष्ठको खोजीमा निस्किएको थियो । श्रेष्ठको डेराको तलासी लिँदा ‘इस्काफ’ लेखेको भरी बोतल ३३ थान, ‘डायलेक्स–डिसी’ लेखेको भरी बोतल १३ थान, ‘नाइट्राभेट–१०’ लेखेको १९२ चक्की, डाईजेपाम, फेनागरन र लुपिजेसिक ७५ सेट बरामद गरिएकोको जिल्ला प्रहरी कार्यालय झापाले जनाएको छ । लागुऔषध बिक्रि वितरणमा संलग्न दुबैलाई झापा जिल्ला अदालत भद्रपुरबाट म्याद थप गरी विस्तृत अनुसन्धान भइरहेको प्रहरीले बताएको छ ।...
३३ किलो सुन तस्करीमा सघाउने कर्मचारीसँग १४ करोड अकुत सम्पत्ति, अख्तियारद्वारा मुद्दा दायर

३३ किलो सुन तस्करीमा सघाउने कर्मचारीसँग १४ करोड अकुत सम्पत्ति, अख्तियारद्वारा मुद्दा दायर

अपराध, समाचार, समाज
काठमाडौं — १५, माघ । ३३ किलो सुन तस्कर प्रकरणमा पक्राउ परेका त्रिभुवन अन्तराष्ट्रिय भन्सार कार्यालयका रेडियो अपरेटरले १४ करोड भन्दा धेरै अकुत सम्पत्ति आर्जन गरेको भन्दै अख्तियार दुरुपयोग अनुसन्धान आयोगले मुद्दा दायर गरेको छ । हाल निलम्बनमा परेका रेडियो अपरेटर श्यामकृष्ण च्यामु श्रेष्ठविरुद्ध मंगलबार बिशेष अदालतमा मुद्दा दायर भएको हो । उनले १४ करोड ६१ लाख २४ हजार चार सय ७८ रुपैयाँ अकुत आर्जन गरेको भन्दै आयोगले मुद्दा दायर गरेको हो । उनकी जेठी श्रीमती तारादेवी श्रेष्ठ, कान्छी श्रीमती रेखा श्रेष्ठ, बुवा ज्ञानकृष्ण श्रेष्ठ, आमा चन्द्रदेवी च्वामु श्रेष्ठ, भाइ रामकृष्ण श्रेष्ठ र भाइ बुहारी रविना प्रधानाङ्गको नाममा रहेको सम्पत्ति समेत गैर कानूनी रुपमा आर्जन गरेको भन्दै उनीहरुविरुद्ध समेत मुद्दा दायर भएको छ । रेडियो अपरेटर श्रेष्ठलाई दुईवर्षअघि सिआईबीले पक्राउ गरी मुद्दा चलाएको थियो । ...
यूएस बंगला जहाज दुर्घटनाको दोष पाइलटलाई, क्याप्टेन सुल्तान तनाव तथा भावनात्मक रूपमा विचलित रहेको प्रतिवेदनमा उल्लेख

यूएस बंगला जहाज दुर्घटनाको दोष पाइलटलाई, क्याप्टेन सुल्तान तनाव तथा भावनात्मक रूपमा विचलित रहेको प्रतिवेदनमा उल्लेख

समाचार, समाज
काठमाडौं — १५, माघ । चालकदलका चार सदस्यसहित ५१ जनाको ज्यान गएको यूएस बंगला विमान दुर्घटना जाँच गर्न गठन गरिएको आयोगले उक्त घटना हुनुमा मुख्य कारण विमानकै कमान्डर पाइलट अविद सुल्तानलाई दोषी देखाएको छ । २ घण्टा लामो उडानलाई अवतरण गराउने क्रममा फागुन २८ गते त्रिभुवन अन्तर्राष्ट्रिय विमानस्थलभित्र भएको उक्त दुर्घटनामा विमानका ५२ वर्षीय क्याप्टेन सुल्तान तनाव तथा भावनात्मक रूपमा विचलित रहेको प्रतिवेदनमा उल्लेख छ । बमबार्डियर कम्पनीको क्यू–फोर–हन्ड्रेड विमानका प्रशिक्षक पाइलटसमेत रहेका उनलाई आफ्नै महिला सहकर्मीले आत्मसम्मानमाथि प्रश्न गरेकाले उनी दु:खी रहेको उल्लेख गरिएको छ । यो कुरा उनले ककपिटमा उडानका क्रममा छेउको कोपाइलट सिटमा बसेकी सहकर्मी पृथुला रसिदलाई सुनाएको अडियो दुर्घटना जाँच आयोगका सदस्यहरूले सुनेका छन् । उनकी सहकर्मीले बंगलादेशमै छँदा उनको क्षमता तथा प्रतिष्ठामा प्रश्न गरेको...
निर्मला हत्या प्रकरणमा हामी निर्दोष छौँ : बम दिदीबहिनी

निर्मला हत्या प्रकरणमा हामी निर्दोष छौँ : बम दिदीबहिनी

अपराध, समाचार, समाज
काठमाडौं — १४, माघ । निर्मला पन्त हत्या प्रकरणमा शंकाको घेरामा रहेका बम दिदीबहिनीले आफूहरु निर्दोष भएको दाबी गरेका छन् । रिपोर्टर्स क्लबमा सोमबार आयोजना गरिएको पत्रकार सम्मेलनमा दिदीबहिनी बविता र रोशनी बमले मानव अधिकारकर्मी इन्द्रप्रसाद अर्यालले आफूहरु तथा छरछिमेकीसँग सोधपुछ नै नगरी झुठो प्रतिवेदन तयार गरेको भन्दै उनीमाथि कारवाही गर्नुपर्ने माग गरे । मानव अधिकारकर्मीको झूठो प्रतिवेदन र सञ्चारमाध्यमले निर्मला पन्तको हत्यामा आफूहरुको संलग्नतालाई जोडेर समाचार सम्प्रेषण गरेका कारण आफूहरु मानसिकरुपमा पीडित भएको बम दिदीबहिनीले बताए। दिदी बविता बमले मानव अधिकारकर्मीको गलत प्रतिवेदन तथा सञ्चारमाध्यमको समाचारका कारण आफूहरुको चरित्र हत्या भएको भन्दै विद्यालय जान तथा हिँडडुल गर्ने अवस्थासमेत नभएको गुनासो गरिन्। बहिनी रोशनी बमले आफूहरु निर्दोष रहेको बताउँदै साथीको नाताले निर्मला पन्त गृहकार्...
मोरङको विराट चोकमा टिपर ठक्करबाट बालिकाको मृत्युपछि तनाव, स्थानीय प्रशासनद्वारा निषेधाज्ञा जारी

मोरङको विराट चोकमा टिपर ठक्करबाट बालिकाको मृत्युपछि तनाव, स्थानीय प्रशासनद्वारा निषेधाज्ञा जारी

अपराध, समाचार, समाज
विराटनगर — १४, माघ । टिपरको ठक्करले ११ वर्षीया बालिकाको घटनास्थलमै मृत्यु भएपछि सोमबार बिहानदेखि मोरङको विराटचोक तनावग्रस्त बनेको छ । त्यहाँ अहिले स्थानीय प्रशासनले निषेधाज्ञा जारी गरेको छ । गिट्टि–बालुवा बोकेर विराटनगर आउँदै गरेको ना ३३ ख ३३५५ नम्बरको ट्रिपरको ठक्करले सुन्दर हरैंचा नगरपालिका ११ की लक्ष्मी ढकालको घटनास्थलमै मृत्युभएपछि आक्रोशित स्थानीयवासीले ठक्कर दिने टिपरसहित अन्य ७ वटालाई आगो लगाएपछि स्थिति तनावग्रस्त बनेको हो। आगो निभाउन पुगेका दमकललाई समेत स्थानीयवासीले अवरोध गरेपछि दमकल फर्किएका थिए। प्रहरीले स्थिति नियन्त्रणमा लिन नसकेपछि स्थानीय प्रशासनले पूर्वमा सुकुना बजार, पश्चिममा बुधवार बजार, उत्तरमा विराटचोक र दक्षीणमा बेलेपुर क्षेत्रको बीच भागमा ११ बजेदेखि अनिश्चितकालीन निषेधाज्ञा जारी गरेको छ। निषेधाज्ञा जारी भएपनि आक्रोशित समूह बालिकाको शव सडकमै राखेर धर्नामा ब...
निर्मलाको ‘भेजाइनल स्वाब’ सँग आमा दुर्गा पन्तको डिएनए मिल्यो

निर्मलाको ‘भेजाइनल स्वाब’ सँग आमा दुर्गा पन्तको डिएनए मिल्यो

अपराध, समाचार, समाज
कञ्चनपुर — १४, माघ । कञ्चनपुरमा बलात्कारपछि हत्या गरिएकी १३ वर्षीया निर्मला पन्त र उनकी आमा दुर्गा पन्तको डिएनए म्याच भएको छ । निर्मलाकी आमाले २५ पुसमा डिएनए म्याचका लागि रगत दिएकी थिइन् । जिल्ला प्रहरी कार्यालय कञ्चनपुरका प्रहरी प्रमुख कुवेर सिंह कडायतले निर्मलाकाे ‘भजाइनल स्वाब’ सँग उनकी आमाको डिएनए म्याच भएको बताए । उनका अनुसार निर्मलाकी आमा दुर्गाबाट संकलन गरिएको नमूना राष्ट्रिय विधि विज्ञान प्रयोगशाला काठमाडौं पठाइएको थियो । मृतक निर्मलाको योनीबाट निकालिएको ‘भजाइनल स्वाब’ निर्मलाकै हो वा होइन भन्ने कुरा उठेपछि उनकी आमाले डिएनए म्याचका लागि रगत दिएकी थिइन् । सोमबार प्रयोगशालाबाट डिएनए टेस्टको रिपोर्ट आएको हो । एसपी कडायतले प्रहरीप्रति यसअघि गरिएको शंका अब भने दुर भएको बताए । कडायतका अनुसार 'भजाइनल स्वाब' निर्मलाको योनीबाट निकालिएको हो वा होइन भन्ने यकिन गर्नका लागि जिल्ला प...
अझै हटेन तुइनको सकस

अझै हटेन तुइनको सकस

समाचार, समाज
दार्चुला — १३, माघ । ‘यो तुइन यहाँका नागरिकका लागि कालसरह नै हो,’ व्यास गाउँपालिका–२ राप्ला मालका बहादुरसिँह धामीको भनाइ हो यो । तुइनबाट आवतजावत गर्ने क्रममा हरेक वर्ष यहाँ दुई/तीनजनाले ज्यान गुमाउने गर्छन् । यो यथार्थ हो । जिल्ला प्रहरी कार्यालयको तथ्याङ्कअनुसार चालु आर्थिक वर्षमा मात्र चार जनाले ज्यान गुमाइसकेका छन् । नदी वारपार गर्ने क्रममा गत वैशाख २४ गते व्यास–२ का ३५ वर्षीया शकुन्तला भण्डारी, असार १ गते दुहुँ–३ का १६ वर्षीय कञ्चन लोथ्याल, साउन १७ गते व्यास–५ का १८ वर्षीय रवि धामी र भदौ ११ गते महाकाली नगरपालिका–१ का ४५ वर्षीय जीतबहादुर बमको महाकाली नदी वारपार गर्दा ज्यान गएको हो । विगतमा तुइनका कारण मृत्यु भएकाको तथ्याङ्क भने प्रहरीसँग छैन । तर, स्थानीय बासिन्दाका अनुसार हरेक वर्ष दुई तीनजनाको तुइनबाट महाकालीमा खसेर ज्यान गुम्ने गरेको छ । नेपाल सरकारले २०७२ सालदेखि नै देशभरका...
मौसममा आएको खराबीले त्रिभुवन अन्तर्राष्ट्रिय विमानस्थलमा उडान तथा अवतरणमा समस्या

मौसममा आएको खराबीले त्रिभुवन अन्तर्राष्ट्रिय विमानस्थलमा उडान तथा अवतरणमा समस्या

समाचार, समाज
काठमाडौं — १३, माघ । मौसममा आएको खराबीका कारण त्रिभुवन अन्तर्राष्ट्रिय विमानस्थलमा आज बिहानैदेखि उडान तथा अवतरण अवरुद्ध भएको छ । काठमाडौँ उपत्यकामा बाक्लो हुस्सु भएकाले भिजिबिलिटी अत्यन्त कम भएका कारण उडान प्रभावित भएको हो । बिहानैदेखि अन्तर्राष्ट्रिय र राष्ट्रिय उडान अवतरण बन्द भएकोमा केहिबेरअघिसम्म १० वटा जेट इन्जिन विमान उडान भएका थिए । तर अहिले पुनः भिजिबिलिटी कम हुँदा सबै उडान प्रभावित भएको विमानस्थलले जनाएको छ । विमानस्थलका महाप्रबन्धक राजकुमार क्षेत्रीका अनुसार विमानस्थलमा केहीबेरअघि १६ सय मिटर भिजिबिलिटी थियो । यो भिजिबिलिटीमा ‘मल्टि जेट’ इन्जिन जहाज उडान गर्न सकिन्छ तर अवतरण गर्न कठिन हुन्छ । आन्तरिकतर्फका सबै उडान अवतरण बन्द छन् । केही हेलिकोप्टरले उडान शुरु गरेका छन् । विमानस्थलका एयर ट्राफिक कन्ट्रोलर (एटीसी) प्रमुख सीताराम भण्डारीले बिहान पूर्णरुपमा बन...