म्युजियममा दुई देश
काठमाडौँ — चैत्र २७ ।
एकातिर काँशी, अर्कोतिर लुम्बिनी । एउटै क्यानभासमा गान्धी र बुद्ध । अनि स्वयम्भू र ताजमहल । दुई देशको राष्ट्रिय प्रतीक स्वरुप झण्डाहरू पनि क्यानभासमा उत्तिकै हाबी छन् । तर, सांस्कृतिकता झल्काउन बौद्ध दर्ज्युले सघाउँछ ।
बौद्धस्थित तारागाउँ म्युजियममा जारी चित्रकला प्रदर्शनीले यति बेला यसरी नेपाल र भारतको सम्बन्ध प्रकाश पारिरहेको छ ।
सुशीला आर्टले एकेडेमीले गरेको प्रदर्शनीमा राखिएका कलाकृतिहरू आफैंमा दुई देश जोड्ने कला सेतु बनेका छन् । एउटै फ्रेममा एकातिर बनारस र अर्कोतिर लुम्बिनी प्रस्तुत गर्नु निकै अर्थपूर्ण देखिन्छ । यसले नेपालका हिन्दु धर्मावलम्बीहरूको बनारस कनेक्सन र भारतका बौद्ध धर्मावलम्बीहरूको लुम्बिनी कनेक्सन मात्रै प्रस्तुत गर्दैन्, लामो समयदेखि फैलिँदै आएको बुद्ध भारतमा जन्मेका हुन् भन्ने भ्रम चिर्न पनि सहयोग गर्छ ।
भारतको झण्डापट्टि गान्धी र नेपाल...









