बिहि, मंसिर ४, २०८३
Thu, November 19, 2026
Shadow

वरिष्ठ गायक सिताराम पोखरेलको “अल्कोहलीक लभ”को म्युजिक भिडियो सार्वजनीक,प्रियंका र विनोदको रोमान्स (भिडियोसहित)

काठमाडौँ — चैत्र २६ ।

तीन दशकभन्दा लामो समयदेखि नेपाली गीत-संगीतमा पृथक पहिचान बनाउँदै आएका वरिष्ठ गायक सिताराम पोखरेलले ‘अल्कोहलीक लभ’ लिएर नेपाली सांगितिक बजारमा आएका छन ।

हरेक गीतको म्युजिक भिडियोलाई आकर्षक बनाउने गरेका गायक सितारामले यसपटक आफ्नो गितको म्युजिकन भिडियोमा नविनतम दिएका छन ।

चलचित्र अभिनेत्रीहरुले पोखरेलको भिडियोमा अभिनय गर्ने क्रममा यसपटक अल्कोहलीक लभमा चर्चित अभिनेत्री प्रियंका कार्की समेटिएकी छिन । कुनै भिडियोमा नेपाल सुन्दरीलाई त, कुनै भिडियोमा अभिनेत्रीलाई रोज्ने गरेका गायक पोखरेलले यसपटक अभिनेत्री प्रियंका कार्कीलाई रोजेका छन । भिडियोमा प्रियंकाको साथमा विनोद न्यौपाने रहेका छन ।

Alchoholic Love -Sitaram Pokharel, Meena

युट्युवबाट सार्वजनिक ‘अल्कोहलीक लभ’मा गायक सिताराम पोखरेललाई गायिका मिना पोखरेलले साथ दिएकी छिन । गितमा संगीत राहुल प्रधानको रहेको छ भने शव्द ललिता कुवँरको रहेको छ ।

खासगरी युवाहरुमा लक्षित रहेको पोखरेलको नयाँ गीत ‘अल्कोहलीक लभ’ को भिडियो निर्देशन सुव्रतराज आचार्यले गरेका छन । गायक सिताराम पोखरेलको यो १९ औं म्युजिक भिडियो हो । नविनपन भएकाले युवाहरुले गित मनपराउनेमा गायक पोखरेल विश्वस्त रहेका छन ।
गीतलाई ओ एस आर डिजिटलमार्फत सार्वजनीक गरिएको छ ।

Leave a Reply

Your email address will not be published. Required fields are marked *