मेलम्चीको पानी विभिन्न वितरण केन्द्रबाट काठमाडौंबासीका धाराधारमा धमाधम वितरण
मेलम्चीको पानी आइतबार सबैभन्दा पहिले अनामनगर क्षेत्रमा आयो। लामो समय उखान टुक्का र हाँसी मजाकमा उडाईएको मेलम्चीको पानी धारामा आउँदा मक्ख देखिन्थे। पानीको अभावले राम्रोसँग कपडा धुन र नुहाउन समेत ठूलो समस्या जस्तो लाग्थ्यो। धेरै सुनियो मेलम्चीको कुरा तर, अन्ततः धारामा पुगेको छ।
‘धेरै सरकार आए, धेरै सरकार गए तर सबैजसो पार्टीका चुनावी नारा हुने मेलम्ची भने आएन। पानी काठमाडौं आएको भन्ने त छ खोइ हाम्रो धारामा पानी पुगेको छैन। काठमाडौं आइसकेको भन्ने कुरा छ, यो त हल्ला होइन होला अबको केही दिनमा धारामा पानी आउँछ भन्छन् खोइ हेराैं,’ उनी हुन् राजधानी काठमाडौंको खुमलटारमा बस्दै आएका ५७ वर्षीया नुरकाजी श्रेष्ठ।
यी त प्रतिनिधि पात्र हुन् जसले मेलम्चीको पानीको लामो प्रतिक्षा गरे। पानीको समस्याले पिरोली रहेका काठमाडौंवासीहरु लामो समयदेखि पानीको काकाकुल खेप्दै आएका छन्। मेलम्चीको पानी दशौंको देखिक...









