काठमाडौं, मंसिर-२५ ।

सुनसरी, मंसिर-२५ ।

सुनसरीको इटहरी उपमहानगरपालिका–१० खनारस्थित लक्ष्मी फार्म उद्योगमा आज बिहान अकस्मात भीषण आगलागी हुँदा कम्तीमा दुई करोड भन्दा बढीको तयारी तथा कच्चा पदार्थ र उद्योग उपकरण नष्ट भएका छन ।

बिहान करीव ४ बजे उद्योगको काम बन्द भएको र मजदूर नभएको समयमा अचानक डोरमेट बनाउने उद्योगको तयारी वस्तु गोदाम क्षेत्रबाट आगो फैलिएको प्रहरीले प्रारम्भिक अनुमान गरेको छ ।

उद्योग व्यवासायी भानु टिवडेवालको उक्त उद्योगमा कार्यरत प्रबन्धक शङ्कर ठाकुरका अनुसार आगलागीमा उद्योगका तयारी डोरमेट कच्चा पदार्थ र महत्वपूर्ण मेशिनमा समेत धेरै ठूलो नोक्सानी भएको छ ।

आगो लागेको केही समयमै इटहरीको वारुणयन्त्र, नेपाली सेना, सशस्त्र प्रहरी र जनपथ प्रहरीसमेतको उपस्थितिमा आगो नियन्त्रण प्रयास भएको थियो ।

तत्काल धरान, इनरुवा, विराटनगर, दुहवी र सुन्दरहरैँचाको वारुणयन्त्रसमेत उद्योगको आगो नियन्त्रणमा आइपुगेकाले उद्योगमा धेरै ठूलो नोक्सानी हुन नपाएको इलाका प्रहरी कार्यालय इटहरीका प्रहरी नायव उपरीक्षक शिवकुमार श्रेष्ठले जनाए ।

उद्योगमा के कारणले आगो लागेको हो भन्ने अहिले सम्म यकिन नभएको उल्लेख गर्दै उहाँले आगलागीबाट भएको नोक्सानीका विषयमा सोधखोज र यकिन तथ्याङ्क लिने कार्य भइरहेको पनि जानकारी दिएका छन् ।

LEAVE A REPLY

Please enter your comment!
Please enter your name here