काठमाडौं, पुस- २४
भारतले अस्ट्रेलियाविरुद्धको चार टेष्टको शृङ्खला आफ्नो पक्षमा पारेको छ ।
चौथो तथा अन्तिम टेष्ट बर्षाले अवरुद्ध भएपछि बराबरीमा भएपश्चात भारतले २–१ ले शृङ्खला जितेको हो ।
भारतले अस्ट्रेलियन भूमीमा ७१ बर्षपछि पहिलो पटक टेष्ट शृङ्खला जितेको हो ।
सन् १९४८ पछि अस्ट्रेलियन भुमीमा पहिलो पटक शृङ्खला जित्न भारतका चेतेश्वर पुजारा र कुलदिप यादवको प्रदर्शन निकै महत्त्वपूर्ण रह्यो ।
शृङ्खलाको पहिलो टेस्टमा भारत ३१ रनले विजयी हुँदा दोस्रोमा १ सय ४६ रनले पराजित भएको थियो ।
भारतले तेस्रो टेस्टमा १ सय ३७ रनको जित निकाल्दै घरेलु टोली अष्ट्रेलियालाई दबाबमा राखेको थियो ।
चौथो टेष्ट बर्षाले बिथोलिएसँगै भारतले शृङ्खलामा आफ्नो कब्जा गरेको हो ।
