आइत, असार ३, २०८१
Sun, June 16, 2024
Shadow

‘ए’ डिभिजन लिग फुटबलमा हिमालयन शेर्पाद्वारा ब्रिगेड ब्वाइज पराजित

काठमाडौं, पुस- ११ ।

राजधानीमा जारी सहिद स्मारक ‘ए’ डिभिजन लिग फुटबल प्रतियोगिता अन्तर्गत बुधबारदेखि सुरु भएको एघारौं चरणको पहिलो खेलमा हिमालयन शेर्पा क्लबले जित निकालेको छ ।

ललितपुरको सातदोबाटोस्थित एन्फा कम्प्लेक्समा भएको खेलमा हिमालयन शेर्पाले ब्रिगेड ब्वाइज क्लबलाई ४–० गोलले पराजित गरेको छ ।

हिमालयन शेर्पाको जितमा विश्वास श्रेष्ठले दुई गोल गरे भने गोहा प्याट्रिक र विशन गुरुङले थप एक/एक गोल गरे । पहिलो हाल्फमा गोलरहित वरावर भएको खेलमा चारै गोल दोस्रो हाफमा भएको थियो ।

खेलको ४६औं मिनेटमा विदेशी खेलाडी गोहा प्याट्रिकले गोल गर्दै हिमालयन शेर्पालाई सुरुवाती अग्रता दिलाउदा ५४औं मिनेटमा हिमालयनका विशन गुरुङले प्रहार गरेको बल गोलकिपरको हातबाट फुस्किएर गोल हुन पुग्यो ।

त्यस्तै, खेलको ६१औं र ८०औं मिनेटमा हिमालयन शेर्पाका विश्वास श्रेष्ठले व्यक्तिगत दुई गोल गरे ।

ब्रिगेड ब्वाइजका लागि भने वर्तमान राईले खेलको ८७औं मिनेटमा एक सान्त्वना गोल गरे ।

खेलमा ‘म्यान अफ दी म्याच’ हिमालयन शेर्पाका कप्तान मानबहादुर तामाङ घोषित भए ।

जितसँगै १७ अंक जोडेको हिमालयन शेर्पा अंक तालिकाको पाँचौं स्थानमा उक्लेको छ भने पराजित ब्रिगेड ब्वाइज ६ अंकसहित बाह्रौं स्थानमा रहेको छ ।

Leave a Reply

Your email address will not be published. Required fields are marked *