ललिता प्रसाईंको पहललाई सबैको सलाम, समाज रूपान्तरणतर्फ ठूलो कदम
काठमाडौंको बुढानिलकण्ठस्थित सिम्लेगाउँमा स्थापना हुन लागेको सुरैया सहयात्री विद्यालयको प्रि–ओपनिङ कार्यक्रम शनिबार भव्य रूपमा सम्पन्न भएको छ। विविध सांस्कृतिक प्रस्तुति, भावनात्मक अभिव्यक्ति र सामाजिक सन्देशले भरिएको कार्यक्रममा उपस्थित सबै अतिथिहरूले विद्यालयको उद्देश्य र भविष्यप्रति आशा व्यक्त गरेका छन् ।
कार्यक्रमका प्रमुख अतिथि बुढानिलकण्ठ नगरपालिकाका मेयर मिठाराम अधिकारीले अटिजम भएका बालबालिकाका लागि यस्तो विद्यालय अत्यन्त आवश्यक रहेको उल्लेख गर्दै नगरपालिकाले यसअघि पनि यस्ता सामाजिक कार्यमा सहकार्य गर्दै आएको र आगामी दिनमा अझ सशक्त रूपमा सहकार्य गर्ने प्रतिबद्धता व्यक्त गरे। उनले भने, “स्थानीय सरकारको दायित्व केवल पूर्वाधार विकास मात्र होइन, यस्ता विशेष आवश्यकता भएका बालबालिकाको शिक्षा र समावेशी विकासमा समेत हो। नगरपालिकाले यस किसिमका पहलहरूलाई सधैं साथ दिनेछ।”
विद्यालयकी संस्...









