narayan gopal guruvacharya

काठमाडौं, मंसिर-१९ ।
स्वरसम्राट नारायणगोपाल गुरुवाचार्यको २८औं स्मृति दिवस बुधबार राजधानीमा विभिन्न कार्यक्रम गरी मनाइएको छ ।

नारायणगोपाल संगीत कोषले बुधबार राजधानीमा आयोजना गरेको स्मृति दिवसमा संगीत क्षेत्रमा विशेष योगदान पुर्‍याउने ६ जना स्रष्टाहरुलाई नगद पुरस्कारसहित नारायणगोपाल विशेष सम्मान प्रदान गरीएको छ ।

सम्मानित हुनेहरुमा गायक तथा संगीतकार कर्म योञ्जन, गीतकार नीर शाह, दीर्घसिंह बम, विश्वम्भर प्याकुरेल, राजेन्द्र रिजाल र दिनेश अधिकारी छन् ।

सम्मानित स्रष्टाहरुले नारायणगोपालले नेपाली संगीत क्षेत्रमा पुर्याएको योगदानकाबारेमा चर्चा गर्दै उनलाई राष्ट्रिय विभूतिको सूचीमा राख्न सरकारसित अपिल समेत गरेका थिए ।

कार्यक्रममा सहभागीहरु अन्यले नारायणगोपाल नेपालीको ढुकढुकीमा बाँचीरहने एक अदभूत प्रतिभा रहेको जनाए ।

कार्यक्रममा विभिन्न कलाकारहरुले नारायणगोपालले गाएका गीतको सांगीतिक प्रस्तुति समेत प्रदर्शन गरेका थिए ।

नारायणगोपाल संगीत कोषले ६ करोड रुपैयाँको लागतमा चाँडै नै गीत–गंगा नामक हल निर्माण गर्ने समेत बताएको छ ।

LEAVE A REPLY

Please enter your comment!
Please enter your name here