शनि, मंसिर ६, २०८३
Sat, November 21, 2026
Shadow

रुपन्देहीको सैनामैनामा भएको सवारी दुर्घटनामा परी बाबुछोराको मृत्यु

बुटवल–रुपन्देहीको सैनामैनामा भएको सवारी दुर्घटनामा परी बाबुछोराको मृत्यु भएको छ।

पूर्वपश्चिम राजमार्ग अन्तर्गत सैनामैना नगरपालिका वडा नं ६ कलौनी शान्तिटोलमा भएको सवारी दुर्घटनामा बाबुछोराको मृत्यु भएको हो। कपिलवस्तुबाट बुटवलतर्फ आउंदै गरेको लु २ च ८५२९ नम्बरको कार र विपरीत दिशातर्फ गइरहेको लु ५२ प ६२२९ नम्बरको मोटरसाइकल एकआपसमा ठोक्किएका थिए।

दिउसो २ बजेतिर भएको दुर्घटनामा परी मोटरसाइकलमा सवार सैनामैना वडा नं १ का ५० वर्षिय टेकबहादुर परियार र ३० वर्षिय सन्तोष परियारको मृत्यु भएको हो। मृतक दुवैजना बाबुछोरा रहेको प्रदेश ५ ट्राफिक प्रहरी कार्यालय बुटवलका प्रवक्ता प्रहरी उपरिक्षक डिल्लीनारायण पाण्डेले जानकारी दिए।

सन्तोष कपिलवस्तुमा कार्यरत प्रहरी जवान रहेको प्रहरीले जनाएको छ । दुर्घटनामा गम्भीर घाइते भएका दुवैजनाको उपचारको क्रममा लुम्बिनी प्रादेशिक अस्पतालमा मृत्यु भएको हो। कार र मोटरसाइकल इलाका प्रहरी कार्यालय सालझण्डीको नियन्त्रणमा रहेको छ भने घटना सम्बन्धी थप अनुसन्धान भइरहेको प्रहरीले जनाएको छ।

Leave a Reply

Your email address will not be published. Required fields are marked *