आइत, जेष्ठ १३, २०८१
Sun, May 26, 2024
Shadow

विप्लवका नेतृत्वको नेकपाको गतिविधिलाई प्रतिबन्ध लगाएप्रति सत्तारुढ दलकै नेताहरुको विरोध

काठमाडौं—फागुन २९।

नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका गतिविधिमाथि प्रतिबन्ध लगाउने सरकारी निर्णयको सत्तारुढ दल नेकपाकै नेताहरुले विरोध जनाउन थालेका छन् ।

उनीहरुले सरकारी कदम हतारमा भएको टिप्पणी पनि गरेका छन् ।

काठमाडौंमा आज भएको साक्षात्कारमा नेकपा नेता देवेन्द्र पौडेलले विप्लव नेतृत्वको नेकपाको गतिविधिलाई आपराधिक ठहर गर्दे प्रतिबन्ध लगाउने निर्णय हतारमा भएको टिप्पणी गरे ।

उनले वार्ता, सहमति र संवादबाटै समस्या सामधान गर्न सरकारसंग आग्रह गरे ।

उनले नेपाललाई पुनः द्वन्द्वमा फसाउने षड्यन्त्र भइरहेको भन्दै द्वन्द्वको क्रिडास्थल हुनबाट जोगाउनु पर्ने बताए ।

राजपाका नेता अनिल झाले समस्याको शान्तिपूर्ण समाधान निकाल्नु पर्नेमा जोड दिए । उनले विप्लवले हिंसा त्याग्नु पर्ने भन्दै सरकारलाई संवाद थाल्न आग्रह गरे ।

दुबै नेताहरुले हिंसाले मुलुकको हित नगर्ने भएकाले वार्ताबाटै राजनीतिक समस्याको सामधान खोजिनु पर्नेमा जोड दिएका छन् ।

(ईमेज खबर)

Leave a Reply

Your email address will not be published. Required fields are marked *