आइत, जेष्ठ १३, २०८१
Sun, May 26, 2024
Shadow

विश्वकप टी–२० छनोटमा नेपाली महिला क्रिकेट टीम यसरी पुग्नसक्छ अर्को चरणमा

काठमाडौं— फागुन १५।

आइसीसी विश्वकप ट्वेन्टी–२० महिला क्रिकेटअन्तर्गत् एसिया क्षेत्र छनोटबाट अघिल्लो चरणमा पुग्ने नेपालको झिनो आशा बाँकी रहेको छ ।

थाइल्यान्डमा जारी उक्त छनोट प्रतियोगिताको विजेता टोली अर्को चरणमा पुग्ने भएकाले तेस्रो स्थानमा रहेको नेपालको सम्भावना अंकगणितीय हिसाबले जीवितै रहेको हो ।

बुधबार नेपालले पुछारको कुवेतसित खेल्दैछ ।

उपाधि विजेतामात्र अर्को चरणमा पुग्ने भएकाले तेस्रो स्थानको नेपालले अहिलेसम्मकै फराकिलो अन्तरको जित हासिल गरेरमात्र पुग्ने छैन, अर्को खेलमा युएईले शीर्ष स्थानको थाइल्यान्डलाई झिनो अन्तरले पराजित गर्नुपर्ने हुन्छ ।

७ टिम सहभागी प्रतियोगताका यसअघिका पाँचओटै खेल जितेर थाइल्यान्ड १० अंकबाट ३.४५ को रनरेटसहित शीर्ष स्थानमा छ ।

एक/एक खेल हारेका युएई र नेपाल ८ अंकसहित क्रमशः दोस्रो र तेस्रो स्थानमा छन् । युएईको १.८४ र नेपालको ०.३४ रनरेट रहेको छ ।

यो समीकरणले नेपालको उपाधि जित्ने सम्भावना केवल अंकगणितीय हिसाबलेमात्र बाँकी रहेको देखिन्छ ।

बुधबारको खेल नेपालका लागि मिहिनेत त छँदैछ, भाग्यलेसमेत साथ दिनुपर्ने निश्चित छ ।

(ईमेज खबर)

Leave a Reply

Your email address will not be published. Required fields are marked *