आइत, जेष्ठ १३, २०८१
Sun, May 26, 2024
Shadow

नायक गजित विष्टले रियालिटी शो ‘डान्स च्याम्पियन’को निर्देशन गर्ने

डान्सिङ रियालिटी शो ‘डान्स च्याम्पियन’को निर्देशन नायक तथा डान्स कोरियोग्राफर गजित विष्टले गर्ने भएका छन । इन्टरनेशनल डान्स एकेडेमी एण्ड फिल्मस्ले  कि एडभर्टाइजिङ सर्भिसका लागि उत्पादन गर्ने उक्त रियालिटी शोका लागि निर्देशक विष्टले महत्वपूर्ण जिम्मेवारी लिएका हुन ।

मंगलबार काठमाडौंको एभरेष्ट होटलमा आयोजित पत्रकार सम्मेलनमा उक्त कार्यक्रम बारे जानकारी गराइएको थियो । कार्यक्रम यही कात्तिक २५ गते बिहीबारदेखि कान्तिपुर टेलिभिजनमार्फत प्रसारण गरिने जानकारी गराइयो । यस्तै डिजिटल राइट्स ओ।एस।आर डिटिजलले लिएको छ ।

शो प्रत्येक बिहीबार र शुक्रबार साताको दुई दिन बेलुकी ९ बजेदेखि टेलिभिजनमा प्रसारण हुने बताइएको छ । यस्तै यस शोका लागि निर्णायकहरू छनोट भइसक्नुभएको छ । पत्रकार सम्मेलनमा तीन निर्णायकको परिचय गराइयो । नेपाली चलचित्र क्षेत्रकी लोकप्रिय अभिनेत्री निरुता सिंह, डान्सर आश्मा विश्वकर्मा र कोरियोग्राफर जगत रावल निर्णायकको भूमिकामा रहने बताइयो । यस्तै शोमा होष्टको रूपमा भने उमेश राई (फुलन्देकी आमा) र निशान्त कटुवाल रहनुभएको छ ।

कार्यक्रममा निर्देशक विष्टले शोको फर्मेट आफ्नै मौलिक हुने बताउनुभयो । उहाँले भन्नुभयो( ‘यो शो कुनै विदेशी फ्रेन्चाइज होइन, त्यसैले हाम्रो फर्मेट हुनेछ ।’ निर्देशक विष्टका अनुसार शोमा विजेता हुनेका लागि २५ लाख रुपैयाँ धनराशी पुरस्कार राखिएको छ । कार्यक्रम ३४ भागको रहनेछ ।

Leave a Reply

Your email address will not be published. Required fields are marked *