बिहि, मंसिर ४, २०८३
Thu, November 19, 2026
Shadow

अर्लिङ हालाण्डको उत्कृष्ट प्रदर्शनमा बोरूसियाको जित

असोज ४ काठमाडौँ ।अर्लिङ हालाण्डले उत्कृष्ट प्रदर्शन गर्दा बोरुसिया डर्टमण्डले जर्मन बुण्डेसलिगा फुटबलमा सहज जित निकालेको छ ।शनिबार राति भएको सिजनको पहिलो खेलमा बोरुसिया मुन्छेनग्लाडबाखलाई ३–० गोल अन्तरले पराजित गर्दै डर्टमण्डले सुखद सुरुवात गरेको हो ।

घरेलु मैदानमा डर्टमण्डलाई जित दिलाउन अर्लिङ हालाण्डले दुई गोल गरे ।यस्तै जियोभानी रेइनाले एक गोल गरे ।खेलको ३५औं मिनेटमा जियोभानीको गोलबाट डर्टमण्डले अग्रता बनाएको थियो ।

५४औं मिनेटमा हालाण्डले पेनाल्टीमा गोल गर्दै डर्टमण्डको अग्रता २–० को बनाए ।त्यसपछि खेलको ७७औं मिनेटमा हालाण्डले व्यक्तिगत दोस्रो गोल गर्दै टोलीलाई ३–० को जित दिलाए ।जितसँगै डर्टमण्डले सिजनको सुखद सुरुवात गरेको छ ।

पहिलो खेलमै डर्टमण्डले महत्वपूर्ण ३ अंक जोडेको छ ।डर्टमण्ड तालिकाको तेस्रो स्थानमा रहेको छ ।

Leave a Reply

Your email address will not be published. Required fields are marked *