पोखरा, मंसिर-२४ ।
पोखराको फेवातालमा सेल्फी खिच्ने क्रममा खसेर एक जना बेपत्ता भएका छन ।
पोखरा घुम्न आएका काठमाडौंका रोशन श्रेष्ठ डुंगा सयर गर्दै तालको बीचमा पुगेर सेल्फी खिच्न लाग्दा खसेर बेपत्ता भएका हुन् ।
दिदी रोशनीसँग उनी पोखरा घुम्न आएका थिए । सेल्फी खिच्नकै लागि भनेर उनले लाइफ ज्याकेट समेत फुकालेका थिए ।
अहिले प्रहरीको रेस्क्यु टिमले उनको खोजि गरिरहेको कास्की प्रहरी प्रवक्ता डिएसपी रवीन्द्रमान गुरुङले जनाएका छन ।
