बुटवल, मंसिर २३ ।
रुपन्देहीको देवदहमा ५ वर्षीया बालिकामाथि बलात्कार गरेको अभियोगमा एकजना युवकलाई पक्राउ गरिएको छ ।
पक्राउ पर्नेमा रुपन्देही्को देवदह नगरपालिका–७ का १८ वर्षीय जीवन खत्री रहेका छन् ।
शुक्रबार राति खेलिरहेकी बालिकालाई ललाइ–फकाइ घरबाट केही परसम्म लगेर बलात्कार गरेको पीडित परिवारले जनाएका छन ।
पीडित बालिकाको भने लुम्बिनी अञ्चल अस्पतालमा उपचार भइरहेको छ । उनको अवस्था खतरामुक्त रहेको अस्पतालले बताएको छ ।
पक्राउ परेका खत्रीले अपराध स्वीकार गरेको र बालिकाले पनि उनको पहिचान गरेको प्रहरीले दाबी गरेको छ ।
