आइत, जेष्ठ १३, २०८१
Sun, May 26, 2024
Shadow

न्याय माग्दै सार्वजनिक सवारी साधनमा अभियान्ताले टाँसे स्टिकर, पोस्टर

काठमाडौं, मंसिर १७ ।
कन्चनपुरमा गत साउन १० गते बलात्कारपछि हत्या गरिएकी १३ वर्षीया बालिका निर्मला पन्तका निम्ती न्याय माग्दै सोमबार लामो तथा छोटो दूरीका सवारी–साधनहरुमा स्टिकर र पोस्टर टाँसिएको छ ।

‘सरकार भेटियो, न्याय भेटिएन’ लेखिएका साना_ठुला स्टिकर र पोस्टरहरु टाँसिएको छ ।

काठमाडौंको गाेंगबुस्थित नयाँ बसपार्कमा पुगेर युवाहरुले स्वस्फूर्त रुपमा सवारी–साधनमा स्टिकर र पोस्टर टाँसेका हुन् ।

‘निर्मला पन्तका निम्ति न्याय’ अभियानका एक अभियन्ता प्रितम सुवेदीले न्यायका लागि देशभरबाट आवाज उठाउन यो अभियान सुरु गरेको जानकारी दिए ।

सवारी–साधनका साथै टोलटोलमा समेत यो अभियान चलाएर सरकारलाई दबाब दिइने जनाए ।

यस्ता स्टिकर र पोस्टर छपाउन, बनाउनका लागि स्वस्फूर्तरुपमा सामाजिक सन्जालबाट रकम जम्मा भइरहेको पनि सुवेदीले बताए ।

केहि दिन अघि, ‘नयाँ युगको सुरुवात’ भन्दै प्रधानमन्त्री केपी शर्मा ओलीको पोस्टर राजधानीका पोल–पोलमा टाँसिएको थियो ।

सोही पोस्टरको मुन्तिर ‘सरकार भेटियो, न्याय भेटिएन’ लेखिएका पोस्टर टाँसेर केहि युवाहरुले यो अभियान सुरु गरेका थिए । तर, प्रहरी लगाएर ती पोस्टरहरु टाँस्न नदिएर च्यातिएको थियो ।

Leave a Reply

Your email address will not be published. Required fields are marked *