आइत, जेष्ठ १३, २०८१
Sun, May 26, 2024
Shadow

पार्टीभित्रको व्यक्तिगत स्वार्थले गुटको राजनीति बढ्यो : प्रवक्ता श्रेष्ठ

विराटनगर, मंसिर १४ ।
नेपाल कम्युनिस्ट पार्टी (नेकपा)का पार्टी प्रवक्ता नारायणकाजी श्रेष्ठले पार्टीभित्र व्यक्तिगत स्वार्थले गुटको राजनीति मौलाएको स्वीकारेका छन् ।

विराटनगर विमानस्थलमा आज सञ्चारकर्मीहरुसँग कुरा गर्दै पार्टीका सचिवालय सदस्य समेत रहेका श्रेष्ठले व्यक्तिगत स्वार्थमा आधारित गुट र गिरोहलाई निरुत्साहित बनाउन धेरै आवश्यक रहेकोमा जोड दिए । उनले सरकारले गरेको कामको मूल्यांकन गर्ने समय भइ नसकेको भन्दै कामको समीक्षा गर्न सुझाव दिए ।

अर्को एक फरक प्रसंगमा बोल्दै नेता श्रेष्ठले निर्मला पन्तको बलात्कारपछि हत्या भएको घटनाका दोषी पक्राउ गर्न नसक्नु दुःखद भएको बताए । उनले अपराधी पत्ता लगाउन सरकारले केही नगरेकोजस्तो देखिए पनि भित्रभित्रै विस्तृत अनुसन्धान भइरहेको दाबी समेत गरे ।
घटनामा संलग्नलाई पक्राउ गरेरै छाड्ने प्रतिबद्धता पनि उनले व्यक्त गरे ।

Leave a Reply

Your email address will not be published. Required fields are marked *