शुक्र, मंसिर ५, २०८३
Fri, November 20, 2026
Shadow

ट्रम्पद्वारा रुसी समकक्षी पुटिनसँगको प्रस्तावित वार्ता रद्द

वासिंटन, मंसिर १४ ।
युक्रेन र रुसबीच विवाद बढ्दै गएपछि अमेरिकी राष्ट्रपति डोनल्ड ट्रम्पले आफ्ना रुसी समकक्षी भ्लादिमिर पुटिनसँगको प्रस्तावित वार्ता रद्द गरेका छन् ।

ट्रम्पले जी–२० सम्मेलनका क्रममा हुने तय भएको पुटिसँगको बैठक रद्द गरेको बताए । उनले रुसले नियन्त्रणमा लिएको युक्रेनको पानी जहाज फिर्ता नपठाएकाले पुटिनसँग वार्ता नहुने कुरा स्पष्ट पारे ।

गत आइतबार क्राइमिया प्रायःद्वीपमा रुसी सेनाले युक्रेनको जहाजमाथि फायरिङ गर्र्दै नियन्त्रणमा लिएको थियो ।

यसैबीच जर्मन चान्सलर एन्जेला मर्केलले पनि यो घटनामा रुस जिम्मेवार रहेको भन्दै रुसलाइ आरोप लगाएकी छन् । उनले जी–२०सम्मेलनमा रुसी राष्ट्रपतिसमक्ष यो कुरा राख्नेसमेत जनाइन् ।

जी–२०सम्मेलन शुक्रबार अर्जेन्टिनामा सुरु हुँदै छ । (एजेन्सी)

Leave a Reply

Your email address will not be published. Required fields are marked *