आइत, मंसिर ७, २०८३
Sun, November 22, 2026
Shadow

ग्रेस इभेन्ट्सले “ट्यालेन्ट हन्ट २०२०” आयोजना गर्ने

नेपालमा पछिल्लो पटक विभिन्न सफल ईभेन्ट, सौन्दर्य प्रतियोगिता, फेशन शो लगायतका कार्यक्रमहरु आयोजना गरेर चर्चा कमाउन सफल ग्रेस इभेन्ट्सले “ट्यालेन्ट हन्ट २०२०” आयोजना गर्ने भएको छ । कोभिड-१९ को विश्वव्यापी महामारीले गर्दा लकडाउनका कारण घरमै रहेर सेलिब्रिटी बन्न सक्ने उद्देश्य लिएर “ट्यालेन्ट हन्ट २०२०” को आयोजना गर्न लागिएको ग्रेस ईभेन्टसका प्रमुख सुरज थापाले जानकारी दिएका छन । प्रतियोगितामा अभिनय, नृत्य,गायन, बिटबक्स लगायत आफुमा भएका जुनसुकै कला प्रतिभा प्रस्तुत गर्न सकिनेछ ।
ईच्छुक सहभागीहरुले आफ्नो आफुमा रहेको कलाको भिडियो बनाएर आगामी जेठ ३१,शनिवार सम्ममा ग्रेस ईभेन्ट्सको ईमेल तथा पेजमा पठाउन सकिने जानकारी संस्थाका सचिव पवन कोईरालाले बताए ।
साईपाल एकेडेमीको सहकार्यमा आयोजीत यस प्रतियागीताले घरमै बसेर पनि अनलाईनको माध्यमबाट आफु भित्र लुकेको प्रतिभा प्रस्फुटन गराई क्षमता अभिवृद्धि गर्न सकिने छ । प्रतियोगीले पठाएका आफ्ना प्रतिभालाई ग्रेस ईभेन्टसको पेज,युट्यूब,वेभसाईट लगायतका सामाजिक संन्जालमा प्रसारण गरिनेछ । छनौट भएका सवै विधाका मध्ये टप १० लाई निणार्यक मण्डलले अन्तिम छनौट गरि उत्कृष्ट भएकालाई विभिन्न आकर्षक गिफ्ट ह्याम्पर तथा पुरस्कार प्रदान गरिने छ । कार्यक्रमको फोटोग्राफी क्युपीड स्टुडियोले गर्नेछ ।

 email:  graceeventsnepal@gmail.com

Leave a Reply

Your email address will not be published. Required fields are marked *