बिहि, मंसिर ४, २०८३
Thu, November 19, 2026
Shadow

राजपाद्वारा संसद अवरुद्ध, माग पूरा नभएसम्म संसद अवरुद्ध गर्ने चेतावनी

काठमाडौं—फागुन २९।

गिरिशचन्द्रलाल आयोगको प्रतिवेदन सार्वजनिक गर्न पनि माग गर्दै राष्ट्रिय जनता पार्टी (राजपा) नेपालले बुधबारको संसद बैठक अवरुद्ध गरेको छ । सभामुख कृष्णबहादुर महराले बैठकको कार्वाही सुरु भएको घोषणा गर्न साथ राष्ट्रिय जनता पार्टी, नेपालका सांसदहरुले उठेर बैठक अवरुद्ध पारेका थिए ।

त्यसपछि सभामुख महराको अनुमतिमा बोल्दै राष्ट्रिय जनता पार्टी, नेपालका नेता राजकिशोर यादवले मधेश र थरुहट आन्दोलनको न्यायिक छानविनका लागि गठित लाल आयोगको प्रतिवेदन सार्वजनिक नगरेसम्म प्रतिनिधिसभा बैठक चल्न नदिने घोषणा गरे । उनले सो आयोगको प्रतिवेदनको सम्बन्धमा गृहमन्त्री रामबहादुर थापाले दिएको जवाफ चित्त नबुझेको बताए ।

मधेस आन्दोलनको छानविन गर्न गिरिशचन्द्रलालको संयोकत्वमा गठन गरेको आयोगको प्रतिवेदन सार्वजनिक गर्न राजपाले माग गर्दै आएको छ । सरकारले लाला आयोगको प्रतिवेदन सार्वजनिक नगरेसम्म संसद अवरुद्ध गर्ने राजपा सांसद प्रमोद साहले नयाँ पत्रिकासँग् बताए ।

प्रतिवेदनबारे सभामुखले यस अघि नै सरकारको विशेष ध्यानाकर्षण गराएका थिए ।

(नयाँ पत्रिका)

Leave a Reply

Your email address will not be published. Required fields are marked *