बिहि, मंसिर ४, २०८३
Thu, November 19, 2026
Shadow

इङ्लिस प्रिमियर लिगमा आर्सनलद्वारा म्यानचेस्टर युनाइटेड पराजित, बर्न्लेबिरुद्द लिभरपुल ४–२ ले विजयी

काठमाडौं—फागुन २७।

इङ्लिस प्रिमियर लिग फुटबल अन्तर्गत आर्सनलले म्यानचेस्टर युनाइटेडलाई पराजित गरेको छ ।

पूर्व खेलाडी ओले गुना सोल्सायरले प्रशिक्षण समालेपछि म्यान्चेस्टर युनाईटेडको लाहि भने यो पहिलो लिग हार हो ।

गएराति भएको खेलमा आर्सनलले म्यान्चेस्टर युनाईटेडलाई २–० ले हरायो ।

आर्सनलको घरेलु मैदानमा भएको खेलमा उसलाई जित दिलाउन ग्रानिट झाका र अलेक्जेण्डर लाकाजेट्ले एक एक गोल गर्दै टोलीलाई विजयी गराए ।

प्रिमियर लिग फुटबलको अर्को खेलमा भने लिभरपुलले बर्न्लेलाई ४–२ ले पाखा लगायो । लिभरपुलको जितमा रोबर्टो फर्मिनो र सादियो मानेको दुई/दुई गोल सामेल थियो ।

गएराति चेल्सीले भने वुल्भरह्याम्पटन वान्डरर्ससँग १–१ गोलको बराबरीमा चित्त बुझाएको छ ।

वुल्भरह्याम्पटनका राउल जिमिनेजले पहिलो गोल गरेको खेलमा चेल्सीका एडिन हाजार्डले ईन्जुरी समयमा एक गोल गर्दै टोलीलाई हारबाट जोगाए ।

गएरातिका खेलपछि प्रिमियर लिग फुटबलको अंक तालिकामा ३० खेलबाट ७४ अंक जोडेको म्यान्चेस्टर सिटी शीर्ष स्थानमा यथावत रहेको छ भने ७३ अंकका साथ लिभरपुल दोस्रो स्थानमा रहँदा तेस्रो स्थानको टोटनह्यामको ६१ अंक रहेको छ ।

६० अंकसहित आर्सनल चौथो स्थानमा उक्लिँदा ५८ अंक जोडेको म्यान्चेस्टर युनाईटेड पाँचौ स्थानमा रहेको छ ।

एक खेल कम खेलेको चेल्सी भने ५७ अंकसहित छैटौं स्थानमा छ ।

Leave a Reply

Your email address will not be published. Required fields are marked *