Kidnap

कैलाली —फागुन २३।

धनगढीमा एक व्यापारीको अपहरण भएको छ । आरम्भ फेन्सी स्टोरका संचालक जगतबहादुर सिंहको अपहरण भएको प्रहरीले पुष्टि गरेको छ ।

बुधबार राति धनगढीबाटै उनी अपहरणमा परेको प्रहरीले जनाएको छ । सिंहका परिवारका सदस्यले सो बारेमा बिहीबार जिल्ला प्रहरी कार्यालय कैलालीमा निवेदन दिएका छन् ।

अपहरणकारीले भारतीय नम्बरबाट फोन गरी सिंहको परिवारसँग १५ लाख रुपैयाँ फिरौती माग गरेको जनाइएको छ । अपहरणकारीको अहिलेसम्म कुनै पहिचान भएको छैन ।

सिंहको अवस्था र अपहरणकारीका विषयमा विस्तृत अनुसन्धान भइरहेको प्रहरीले जनाएको छ ।

LEAVE A REPLY

Please enter your comment!
Please enter your name here