बिहि, मंसिर ४, २०८३
Thu, November 19, 2026
Shadow

रुबिना क्षेत्रीको ह्याट्रिक विकेटमा महिला विश्वकप क्रिकेट छनोटमा नेपाल विजयी

काठमाडौं— फागुन १५।

आईसीसी महिला विश्वकप क्रिकेटअन्तर्गत एसिया छनोटको अन्तिम खेलमा नेपाल विजयी भएको छ ।

थाईल्याण्डमा आज भएको खेलमा नेपालले कुवेतलाई ३० रनले पराजित गरेको हो ।

बैंककस्थित एसियन ईन्सिटच्युट अफ टेक्नोलोजीको मैदानमा नेपालले दिएको ११७ रनको लक्ष्यसहित जवाफी ब्याटिङ गरेको कुवेतले २० ओभरमा ९ विकेट गुमाएर ८६ रनमात्र बनाउन सक्यो । कुवेतलाई सस्तैमा समेट्न कप्तान रुबिना क्षेत्रीले ह्याट्रिक विकेट लिइन् ।

यसअघि टस हारेर पहिले ब्याटिङ गरेको नेपालले पुरै २० ओभर खेल्दै ७ विकेट गुमाएर ११६ रन बनाएको थियो । खराब सुरुवात गरेको नेपालका लागि बिन्दु रावलले अविजित रहँदै सर्वाधिक २८ रनको योगदान दिइन् । ४८ रन जोड्दा ५ विकेट गुमाइसकेको नेपालको सम्मानजनक योगफलमा बिन्दुले ४९ बलमा एक चौका प्रहार गरिन् ।

कप्तान रुबिना क्षेत्रीले १३ बलमा ३ चौकासहित २२ रन बनाईन् । यस्तै नेरी थापाले १९, काजल श्रेष्ठले १८ रन जोड्दा इन्दु बर्मा र रोमा थापाले समान ७/७ रन बनाए ।

नेपालकी ओपनर सिता राना मगर र सरिता मगर शून्य रनमा पेभेलियन फर्किए । कुवेतका मर्याम ओमर र प्रियादा मुरालीले समान २/२ विकेट लिए ।

(ईमेज खबर)

Leave a Reply

Your email address will not be published. Required fields are marked *