बिहि, मंसिर ४, २०८३
Thu, November 19, 2026
Shadow

माइकल स्टेअप एण्ड आर्टस् एकेडेमीद्वारा विभिन्न व्यक्तित्वहरूलाई सम्मान

‘माइकल स्टेअप एण्ड आर्टस् एकेडेमी’ले तीजको अवसर पारेर तीन दर्जन भन्दा बढी कलाकर्मीलाई सम्मान गरेको छ । काठमाडौंको डिल्लीबजारमा अवस्थित एकेडेमी’ले हरितालिका तीजको अवसरमा आयोजना गरिएको विशेष कार्यक्रममा गायक, गायिका, मोडल, निर्देशक, छायांकार, पत्रकार लगायतलाई सम्मान गरेको हो ।

कार्यक्रमका विशेष अतिथी गायक सीताराम पोख्रेल र देबेन्द्र शाहले कलाकर्मीहरूलाई सम्मान पत्रबाट सम्मानित गर्नुभएको थियो । सम्मानित हुनेहरूमा गायिका रचना रिमाल, एलिना चौहान, मोडलहरू आकाश श्रेष्ठ, पुष्प खड्का, प्रिज्मा खतिवडा, प्रिन्सी खतिवडा, स्मारिका-समारिका ढकाल, निर्देशक सुव्रतराज आचार्य, निशान घिमिरे, कलाकारहरू राज कटुवाल, नरेन खड्का लगायतका रहनुभएको छ ।

साथै, कार्यक्रमका विशेष अतिथीहरू डा. कृष्णहिर बराल, डा. डीआर उपाध्याय, गायक सीताराम पोेख्रेल, देबेन्द्र शाहलाई पनि सम्मानित गरिएको थियो ।

एकेडेमीका अध्यक्ष माइकल चन्दले हरितालिका तीजको अवसरमा शुभकामना आदन-प्रदानका लागि कार्यक्रम आयोजना गरिएको बताउनुभयो । यस्तै, उहाँले आफूले नेपाल आएपछि काम गरेका कलाकर्मी तथा पत्रकारहरूलाई सम्मानित गरेको प्रतिक्रिया दिनुभयो । ‘माइकल स्टेप अप एण्ड आर्टस् एकेडेमी’मा नृत्यको कक्षाका साथै जुम्बाको पनि प्रशिक्षण दिइने माइकलले जानकारी गराउनुभयो ।

Leave a Reply

Your email address will not be published. Required fields are marked *