आइत, मंसिर ७, २०८३
Sun, November 22, 2026
Shadow

थप ७१० जनामा कोरोना संक्रमण, १,१७५ जना निको, १२ को मृत्यु

नेपालमा पछिल्लो २४ घण्टामा थप ७१० जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको संख्या २ लाख ५३ हजार १८४ पुगेको स्वास्थ्य तथा जनसंख्या मन्त्रालयले जनाएको छ ।

आज (शनिबार) थप एक हजार १७५ जना उपचारपछि डिस्चार्ज भएका छन् । योसँगै नेपालमा निको हुनेको संख्या २ लाख ४२ हजार ५६७ पुगेको मन्त्रालयले जनाएको छ ।

गत २४ घण्टामा ४ हजार ७८० जनाको पिसिआर परीक्षण गर्दा ७१० जनामा कोरोना पुष्टि भएको हो । योसँगै नेपालमा पिसिआर परीक्षण हुनेको संख्या १८ लाख ६६ हजार २१० पुगेको छ ।

आज थप १२ जना कोरोना संक्रमितको मृत्यु भएको छ । योसँगै नेपालमा कोरोनाबाट ज्यान गुमाउनेको संख्या एक हजार ७७५ पुगेको मन्त्रालयले जनाएको छ । हाल ४२१ जना क्वारेन्टाइनमा छन् ।

Leave a Reply

Your email address will not be published. Required fields are marked *