आइत, मंसिर ७, २०८३
Sun, November 22, 2026
Shadow

दियो बाल्ने क्रममा दुई पसलमा आगलागी हुँदा ६८ लाखको मालसामान जलेर नष्ट

तिहारका अवसरमा लक्ष्मीपूजा गर्ने क्रममा लापरवाहीपूर्वक दियो बाल्नाले विराटनगरका दुई पसलमा आगलागी हुँदा ६८ लाख मूल्य बराबरको मालसामान जलेर नष्ट भएको छ ।जिल्ला प्रहरी कार्यालय मोरङका अनुसार विराटनगर–१०, ट्राफिक चोकका दिनेश अग्रवालको फेन्सी पसलमामा शनिबार राति आगलागी हुँदा सटरभित्र रहका फेन्सी तयारी कपडा, फर्निचरसहित करिब ६० लाखका सामान जलेर नष्ट भएको छ ।

यसैगरी विराटनगर–९ बसपार्क नजिक अभय अर्यालको बारीमा बाँस र टिनको छानो भएको सिरक डस्ना बनाउने घरमा शनिवार राति आगलागी हुँदा आठ लाख बराबरको समाग्री जलेर नष्ट भएको छ । यस किसिमका दुर्घटना रोक्न सचेत भइ पूजा गर्न प्रहरीले आग्रह गरेको छ । रासस

Leave a Reply

Your email address will not be published. Required fields are marked *