शनि, मंसिर ६, २०८३
Sat, November 21, 2026
Shadow

ट्रम्प दम्पतीले भने, ‘बाइडेन विजयी भएको मान्दैनौं, सबै वैध भोट गन्ती होस्’

कात्तिक २४ काठमाडौं । राष्ट्रपति डोनल्ड ट्रम्प र उनकी श्रीमती मेलानिया ट्रम्पले अमेरिकी चुनावबारे केही मिनेटको अन्तरमा ट्वीट गर्दै चुनावको नतिजा खारेज गरेका छन् ।

आइतबार ट्रम्प भर्जिनियाको गोल्फ क्लबमा थिए जहाँ उनले बाइडेनलाई बिजेता बताएकोमा मिडियामाथि निशाना साँधे । ट्रम्पले भने, ‘मिडियाले कहिलेदेखि निश्चित गर्न थाल्यो कि हाम्रो अर्को राष्ट्रपति को हुनेछ । पछिल्लो दुई हप्तामा हामी सबैले धेरै कुरा सिकेका छौं ।’

त्यसको केही मिनेटअघि मात्रै ट्रम्पकी श्रीमती मेलानिया ट्रम्पले एक ट्वीट गरेकी थिइन् जसमा उनले सबै भोटको गन्ती हुनुपर्ने माग राखेकी थिइन् ।

सीएनएनमा एक अपुष्ट रिपोर्ट प्रकाशित भएपछि मेलानिया ट्रम्पले ट्वीट गरिन्, ‘अमेरिकीलाई पारदर्शी तरिकाले गरिएको चुनावको अधिकार छ । सबै वैध भोटको गन्ती होस् ।’
सीएनएनको रिपोर्टमा मेलानिया ट्रम्पले डोनल्ड ट्रम्पलाई चुनावको नतिजा मान्न आग्रह गरिरहेको दाबी गरिएको थियो । एजेन्सी

Leave a Reply

Your email address will not be published. Required fields are marked *