अमेरिकामा यो पटकको राष्ट्रपतिको चुनावमा अग्रिम मतदान गर्नेको संख्या लगातार बढ्दो क्रममा देखिएको छ ।
हालसम्म चार करोड बढी मतदाताले आफ्नो मत खसालेको निर्वाचन आयोगलाई उद्धृत गर्दै समाचार एजेन्सीहरुले लेखेका छन् ।
सन् २०१६ को चुनावमा १३ करोड ६० लाख मत खसेको थियो ।
अहिलेसम्म खसेको मत त्यसको झण्डै ३० प्रतिशत हो ।
आउँदो नोभेम्बर ३ मा हुने राष्ट्रपति निर्वाचनमा हालका रिपब्लिकन राष्ट्रपति डोनाल्ड ट्रम्पलाई डेमोक्र्याटिक उम्मेदवार जो बाइडेनले चुनौति दिएका छन् ।
पछिल्ला मत सर्वेक्षणहरुमा पूर्व उपराष्ट्रपति समेत रहेका जो बाइडेन अघि देखिएका छन् ।
तर केही महत्वपूर्ण राज्यहरुमा भने उनको अग्रता साँघुरो छ ।
चुनावका लागि दुई हप्ता कम समय रहेका बेला ४७ राज्य र डिसीबाट प्राप्त भएको तथ्यांक अनुसार हुलाक वा अग्रिम मतदान स्थलमा गएर भोट हाल्नेको संख्या विगतको भन्दा धेरै पुगिसकेको देखिएको छ ।
