असोज २७ काठमाडौं ।अहिलेसम्म निर्विबाद रहेका महानायक राजेश हमाल एउटा कार्यक्रमका कारण नराम्रोसँग विबादमा तानिएका छन् । समता फाउन्डेसनको लगानीमा हमालले सञ्जालन गर्दै आइरहेको कार्यक्रम ‘जातको प्रश्न’ मा क्रिश्चियनको लगानीमा नेपालमा हिन्दू धर्ममाथि प्रहार भएको भन्दै कार्यक्रम संचालनक हमालको चर्को विरोध भइरहेको छ ।
सामाजिक संजालमा हमालको चर्को विरोध भइरहेका बेला मंगलबार राष्ट्रिय एकता अभियानको अगुवाइमा काठमाडौंको भीमसेनगोलामा हिन्दू समर्थकहरुले उनको पुत्ला लजाएका छन् । पुत्ला जलाएका दृश्यहरु अहिले सामाजिक संजालमा भाइरल बनिरहेका छन् ।
कार्यक्रममा विभिन्न क्षेत्रमा अतिथिहरुले नेपालमा भइरहेको जातीय विभेद र छुवाछुतका बारेमा आफ्नो धारणा राख्दै आएका थिए । कार्यक्रमको चर्को विरोध भएसँगै निर्माता समता फाउन्डेसनले एक विज्ञप्ति जारी गर्दै कार्यक्रमले कुनै निश्चित जात, धर्म, लिंग तथा क्षेत्रप्रति पूर्वाग्रह नराखेको दाबी गरेको छ ।
