आइत, मंसिर ७, २०८३
Sun, November 22, 2026
Shadow

नेपाली कांग्रेस महासमिति बैठकको बन्दसत्रमा प्रतिवेदनहरु प्रस्तुत हुने क्रम सुरु

काठमाडौं, पु्ष-०१ ।

प्रमुख प्रतिपक्षी दल नेपाली कांग्रेसले संघीयताअनुसार पार्टीको विधानलाई परिमार्जन गर्नको निम्ति बसेको महासमिति बैठकको बन्दसत्र आज सुरु भएको छ ।

जारी बन्दसत्रमा केन्द्रीय कार्यसमिति बैठकले परिमार्जनसहित पारित गरेका प्रतिवेदनहरु पेश भइरहेका छन् ।

पार्टीका उपसभापति विमलेन्द्र निधिले राजनीतिक, महामन्त्री पूर्णबहादुर खड्काले विधान संशोधन, महामन्त्री डा. शशांक कोइरालाले सांगठनिक, सहमहामन्त्री डा प्रकाशशरण महतले समग्र आर्थिक नीति र कोषाध्यक्ष सीतादेवी यादवले पार्टीको आन्तरिक आर्थिक सम्बन्धी छुट्टाछुट्टै प्रतिवेदन पेश गर्दै छन् ।

विधान मस्यौदाबाहेकका सबै प्रतिवेदन पार्टी केन्द्रीय कार्यसमिति बैठकले परिमार्जनसहित यस अघि नै पारित गरिसकेको छ भने विधान मस्यौदामा पदाधिकारी संख्या र पदाधिकारीको निर्वाचनबारे अझै सहमति जुट्न सकेको छैन ।

बैठकमा पेश गरिएका प्रतिवेदनमाथि छलफल गर्न महासमिति सदस्यलाई प्रदेश स्तरमा सात समूहमा विभाजन गर्ने वा समावेशी रुपमा विभाजन गर्ने भन्नेमा सहमति जुटाउने प्रयास भइरहेको छ ।

Leave a Reply

Your email address will not be published. Required fields are marked *