शनि, मंसिर ६, २०८३
Sat, November 21, 2026
Shadow

नेपाल राष्ट्र बैंकले अनलाइन कारोबार तथा भुक्तानीको सीमालाई यसअघिको भन्दा दोब्बर पुर्यायो

अनलाइनमार्फत् हुने भुक्तानीको सीमामा वृद्धि भएको छ । नेपाल राष्ट्र बैंकले अनलाइन कारोबार तथा भुक्तानीको सीमालाई यसअघिको भन्दा दोब्बर पुर्याएको हो । 

राष्ट्र बैंकले गरेको नयाँ व्यवस्था अनुसार अब मोबाइल बैंकिङबाट प्रतिदिन २ लाख रुपैयाँसम्म कारोबार हुन सक्छ । यसअघि यस्तो सीमा दैनिक १ लाख रुपैयाँ मात्रै थियो । 

त्यस्तै, मर्चेन्ट पेमेन्ट र एकाउन्ट ट्रान्सफरका लागि इन्टनेट बैंकिङ प्रयोग गर्दा दैनिक २० लाख रुपैयाँसम्म रकम ट्रान्सफर गर्नसक्ने व्यवस्था गरिएको छ । यसअघि यो सीमा दैनिक १० लाख रुपैयाँ थियो । 

 तर, यसअघि नै कुनै पनि सीमा कायम नगरिएका भुक्तानीका हकमा भने यो व्यवस्था लागु भएपछि पनि जतिसुकै रकम ट्रान्सफर गर्न सकिने राष्ट्र बैंकले जनाएको छ । एउटै बैंकको खातामा रकम ट्रान्सफर गर्दा, सरकारको सम्बन्धित कार्यालयमा राजश्व, जरिवाना र दस्तुर भुक्तानी गर्दा, बिद्युत्, दूरसञ्चार, खानेपानी लगायतका विलहरु भुक्तानी गर्दा, शिक्षण संस्था, स्वास्थ्य संस्था लगायतमा भुक्तानी गर्दा तथा शेयरको खरिदबिक्रीको लागि भुक्तानी गर्दा भने यस्तो भुक्तानीको सीमा नहुने राष्ट्र बैंकले प्रष्ट्याएको छ । 

यद्यपि प्रतिपटक हुने कारोबारकाे सीमा भने राष्ट्र बैंकले यथावत राखेको छ । 

Leave a Reply

Your email address will not be published. Required fields are marked *