आइत, मंसिर ७, २०८३
Sun, November 22, 2026
Shadow

प्रा.डा.गोविन्द केसीको अनशन दोस्रो दिन पनि जारी

इलाम, पुस- २६ ।

बुधबारदेखि प्रा.डा. गोविन्द केसीले सुरु गरेको १६औं चरणको सत्याग्रह आज दोस्रो दिनपनि जारी छ ।

बुधबार अपराह्न ५ बजे पत्रकार सम्मेलन गरी इलाम सदरमुकामस्थित फूलगाछीमा प्रा.डा. केसीले अनशन सुरु गरेका थिए ।

सरकारले आफूसित साउन १० गते गरेको सहमति पालना नगरेको भन्दै उनले सरकारसँग भएको सम्झौतालाई अक्षरशः पालना गर्दै तत्काल चिकित्सा शिक्षा विधेयक संसदबाट पारित गर्नुपर्ने माग राख्दै उनी अनशन बसेका छन ।

अनशनको तयारीका लागि डा. केसी मंगलबार इलाम पुगेका थिए ।

अत्याधिक चिसोका कारण इलाममा मानिसहरुको चहलपल न्यून रहे पनि शहरी विकास तथा भवन निर्माण विभाग अन्तर्गत डिभिजन कार्यालय इलामको पुरानो कार्यालय फूलगाछीमा उनले सत्याग्रह शुरु गरेका छन ।

Leave a Reply

Your email address will not be published. Required fields are marked *