शुक्र, मंसिर ५, २०८३
Fri, November 20, 2026
Shadow

डढेलो प्रभावित क्यालिफोर्निया राज्यको भ्रमणमा ट्रम्प

भदाै ३० काठमाडाैं । अमेरिकी राष्ट्रपति डोनाल्ड ट्रम्पले डढेलो प्रभावित क्यालिफोर्निया राज्यको भ्रमण गरेका छन् ।त्यस क्रममा राष्ट्रपति ट्रम्पले डढेलो लाग्नुको कारण जलवायु परिवर्तन नभई कमजोर वन व्वस्थापनको परिणाम भएको बताए ।

जलवायु परिवर्तनबारे ‘विज्ञानलाई बेवास्ता नगर्न’ एक अधिकारीले गरेको आग्रहलाई अस्वीकार गर्दै ट्रम्पले भने, ‘अब चिसो हुन थाल्छ, तपाईँ हेर्दै गर्नुहोस्, मलाई लाग्दैन विज्ञानलाई खासै थाहा छ।’

क्यालिफोर्नियामा ठूलो डढेलोको कारण जलवायु परिवर्तनको असर हो कि भन्ने पत्रकारको जिज्ञासामा ट्रम्पले भने, ‘मलाई लाग्छ यो व्यवस्थापनसँग अझ बढी सम्बन्धित कुरा हो।’

डढेलो नियन्त्रणमा अमेरिकाले अरू देशहरूको तुलनामा धेरै राम्रो काम गरेको उनले दाबी गरे ।

तस्वीर : रोयटर्स

डढेलो नियन्त्रणको प्रयास विफल भएको भन्ने आलोचकलाई उनले  अस्ट्रेलिया र ब्रजिलका जङ्गलमा लागेका डढेलोहरूका उदाहरण दिए।

क्यालिफोर्निया, ओरेगन र वाशिङ्गटन राज्यमा डढेलोबाट २० लाख हेक्टर क्षेत्रमा क्षति पुगेको छ । अगस्ट महिनाको पहिलो सातायता मात्रै त्यहाँ कम्तीमा ३५ जनाको ज्यान गएको छ।

क्यालिफोर्नियामा मात्रै १५ अगस्टयता डढेलोले २४ जनाको ज्यान गइसकेको बीबीसीले जनाएको छ । एजेन्सी

Leave a Reply

Your email address will not be published. Required fields are marked *