बिहि, मंसिर ४, २०८३
Thu, November 19, 2026
Shadow

ट्रकले ठक्कर दिँदा स्कुटर चालकको मृत्यु

पूर्वपश्चिम राजमार्गअन्तर्गत चितवनको रत्ननगर नगरपालिका-३ तरकारीचोकमा गएराति ट्रकले ठक्कर दिँदा स्कुटर चालकको मृत्यु भएको छ।

इलाका प्रहरी कार्यालय टाँडीले दिएको जानकारीअनुसार ट्रकको ठक्करबाट गम्भीर घाइते अन्दाजी ३१ वर्षीय पुरुषको उपचारका क्रममा पुरानो मेडिकल कलेज भरतपुरमा मृत्यु भएको हो । मृतकको सनाखत हुनसकेको छैन।

पूर्वबाट पश्चिमतर्फ आइरहेको ना ४ ख ४१५५ नम्बरको ट्रकले विपरीत दिशातर्फ गइरहेको ना ४७ प ६१८९ नम्बरको स्कुटरलाई ठक्कर दिएको प्रहरीले जनाएको छ।

दुर्घटनापछि ट्रकलाई नियन्त्रणमा लिइएको र चालक फरार रहेका प्रहरीको भनाई छ। रासस

Leave a Reply

Your email address will not be published. Required fields are marked *