बिहि, मंसिर ४, २०८३
Thu, November 19, 2026
Shadow

विश्व किर्तिमानी चर्चित संगितकार सन्तोष श्रेष्ठलाई गृह जिल्ला दाङमा सम्मान

काठमाडौं– चलचित्र पत्रकार संघ नेपाल दाङ शाखाले विश्वका १२ भाषामा संगित गरेर गिनिज बुकमा नाम लेखाउन सफल चर्चित एंव लोकप्रिय संगितकार सन्तोष श्रेष्ठलाई सम्मान गरेको छ । संघले संगितकार श्रेष्ठलाई तुलसीपुरमा एक कार्यक्रमको आयोजना गरी बधाई एवं सम्मान गरेको हो ।
संघका दाङ शाखा अध्यक्ष शिव पुनको अध्यक्षता तथा सामुदायिक रेडियो प्रशारक संघ नेपालका वरिष्ठ उपाध्यक्ष अर्जुन गिरीको प्रमुख आतिथ्यतामा कार्यक्रम सम्पन्न भएको हो ।

संगितकार श्रेष्ठले नेपाली, हिन्दी, चाइनिज, जापनिज, अंग्रेजी, रसियन , कोरियन, स्पेन, फेन्च, इटालियन, जर्मन र थाइ भाषा गरेर १२ भाषामा संगित गरेर गिनिज बुकमा नाम लखाएर विश्व कृतिमान राखेका हुन ।

संगितकार श्रेष्ठले समाजका कुरा बोल्ने गितसंगितले जीवन्त पाउने बताए। उनले संख्यात्मक रुपमा धेरै सिर्जनाले मात्रै उचाईमा पुग्ने नहुने भन्दै थौरै सृजनाले पनि कलाकार जीवन्त हुन सक्ने स्पष्ट पारे ।

सामुदायिक प्रशारक संघ नेपालका वरिष्ठ उपाध्यक्ष अर्जुन गिरी र राप्ती साहित्य परिषद दाङका अध्यक्ष कमलमणी देवकोटा, सिस्नोपानी नेपालका अध्यक्ष डाक्टर लोकराज पराजुली लगायतले संगितकार श्रेष्ठको विश्व कृतिमानीले दाङलाई पनि चिनाउन सफल भएको बताए ।
यस्तै कार्यक्रममा रिपोर्टस क्लब दाङका अध्यक्ष शरद रेग्मी , अकोर्याबका प्रदेश ५ सचीव संगीत बस्याल लगायतले आफ्नो धाराणा राखेका थिए ।

Leave a Reply

Your email address will not be published. Required fields are marked *