आइत, मंसिर ७, २०८३
Sun, November 22, 2026
Shadow

कोरोना जितेर घर फर्किएका एक युवाले घर पुगेको २० मिनेटमै आत्महत्या गरे

काठमाडौं। कोरोना जितेर घर फर्किएका पाल्पाका एक युवाले आत्महत्या गरेका छन् । रम्भा गाउँपालिका–४ हुमिनका २० वर्षीय एक युवाले कोरोना जितेर घर फर्किएकै दिन सोमबार बेलुकी आत्महत्या गरेको वडा सचिव मिलन काफ्लेले जानकारी दिए ।

काफ्लेका अनुसार उनले घर पुगेको २० मिनेटमै आत्महत्या गरेका हुन् । यी युवा भारतबाट फर्किएका थिए । फर्किएलगत्तै परीक्षणमा उनी कोरोना संक्रमित पाइएपछि उनलाई लुम्बिनी मेडिकल कलेजस्थित आइसोलेसन सेन्टरमा राखेर उपचार गरिएको थियो । उपचारपछि उनी पूर्ण रुपमा निको भएपछि सोमबार उनलाई डिस्चार्ज गरिएको थियो ।

सोमबार डिस्चार्ज भएर उनी घर गएका थिए । घर पुगेको २० मिनेटमै उनले झुण्डिएर आत्महत्या गरे । उनले पारिवारिक तनावका कारण आत्महत्या गरेको हुन सक्ने अनुमान गरिएको छ । उनको घरमा कोही पनि थिएनन् । उनकी आमा र दाजु केही वर्षअघि बेपत्ता भएका थिए ।

उनका पिताले कान्छी बिहे गरी तराइतिर बदै आएका छन् । घरमा उनी एक्लै थिए । घरमा खाने कुरा पनि केही नभएको, परिवार पनि नभएको र पुनः भारततर्फ काम गर्न फर्किने स्थिति पनि नभएको अवस्थामा उनले तनावमा आएर आत्महत्या गरेको हुन सक्ने आत्महत्या गरिएको छ ।

Leave a Reply

Your email address will not be published. Required fields are marked *