आइत, मंसिर ७, २०८३
Sun, November 22, 2026
Shadow

फागुन ३० गते नगरकोटमा ‘आर्टिष्ट नेपाल फेसन रनवे एण्ड म्युजिकल नाईट’ शो हुने

‘आर्टिष्ट नेपाल फेसन रनवे एण्ड म्युजिकल नाईट’ शो हुने भएको छ । फागुन ३० गते नगरकोटस्थित होटल कन्ट्रि भिल्लामा हुने फेशन शोमा १२ मोडलहरुले विभिन्न फेसन डिजाइनरका पहिरनहरु क्याटवाकमार्फत प्रस्तुत गर्नेछन् ।

आर्टिष्ट नेपाल स्टुडियोजको आयोजनामा ‘मन्जुश्री चाईल्ड केयर सेन्टर’ को सहयोगार्थ हुन लागेको कार्यक्रम संयोजक तथा चर्चित फोटोग्राफर कुबेर तामाङले जानकारी दिए ।

कार्यक्रममा आधा दर्जन गायक गायिकाहरुले सांगीतिक प्रस्तुति रहने छ भने क्रियटिभ ईन्स्टिच्यूट अफ फेशन टेक्नोलोजीका अफिसियल डिजाईनमा वे -आउट ब्युटी सलुनको मेकअपमा मोडेल तथा कलाकारहरुले प्रस्तुति दिनेछन् ।

शोमा मोडलहरु सदा थापा, सजु पौडेल, बिपना थापा, आयुष्मा गिरि, पुजा सिलवाल, सुस्मिता श्रेष्ठ, हिमानी गुरुङ, निमा शेर्पा, अनिता बम्जन, कबिता कोईराला, शेलिना भुजेल, मनिषा छेत्रीले क्याटवाक गर्दैनछन् । फेसन शोको शो स्टपर्समा चन्दा थापा तथा अरुणी वाईबा रहेका छन् ।

गायक तथा नायक कोसिस क्षेत्री, सन्तोष लामा, नेपाल आईडल बुद्ध लामा, बिनोद ढकाल, कमेडियन महादेव त्रिपाठी, डिजे रुकेन श्रेष्ठ, आरडी, प्रिती रति लगायतको प्रस्तुती रहेका छन् ।

Leave a Reply

Your email address will not be published. Required fields are marked *