शुक्र, मंसिर ५, २०८३
Fri, November 20, 2026
Shadow

पैसाको लागी मान्छेले के के सम्म गर्छ ?….. भन्दै आए गायक दिनेश गौतम फेरी (भिडियो सहित)

लोकप्रिय गायक दिनेश गौतम संगीत पारखीका लागि नौलो नाम होइन । ‘पैसा कसले बनायो’ गीतबाट उनले सबैको मन जितेका छन् । उनै गायक गौतम फेरी पैसाकै लागि बाँच्छ मान्छे।।। बोलको गीतका साथमा श्रोता तथा दर्शकमाझ आएका छन् ।

यो गीतको भिडियो सार्वजनिक भएको छ । गीतमा गीतकार एवं संचारकर्मी पुरुषोत्तम बस्नेतको शब्द तथा पुस्तक प्रसादको संगीत छ । गीत बस्नेतको चौंथो एल्बम कयामुदामा समावेश छ । यो भन्दा अघि उनले प्रजुशा, प्रभाव र रासुम एल्बम बजारमा ल्याइसकेका छन् । गीतले पैसाले मान्छेलाई के के गराउँछ भन्ने भाव छ । प्रज्ञा साउन्ड स्टुडियोमा रेकर्डिङ भएको यो गीतको संयोजन दिनेश सुनामले गरेका हुन् ।

भिडियोलाई कलाकार निरु खड्काले निर्देशन गरेकी छन् । यसमा माग्नेबुढा अर्थात् केदार घिमिरेकी श्रीमती सितादेवी घिमिरे, निरु खड्का, कृष्ण रसाईली, सुष्मा, प्रकाश,शेर खान र स्तुती गौतमको अभिनय छ ।

भिडियोमा सागर गौतमको छाँयांकन र प्रविण श्रेष्ठको सम्पादन छ । पैसाका लागि बुहारीले सासूलाई वृद्धाश्रम जान बाध्य पारेको र नातिनीले उनलाई घरमा ल्याएको तथा पैसाका लागि नारी अस्मितामा खेलवाड गरेको दृष्य भिडियोमा देखाइएको छ । ‘कयामुदा’ एल्बम भने आगामी फागुनमा बिमोचन हुनेछ ।

Leave a Reply

Your email address will not be published. Required fields are marked *