बिहि, मंसिर ४, २०८३
Thu, November 19, 2026
Shadow

ओखलढुंगाको मानेभञ्ज्याङ्गमा जीप दुर्घटना हुँदा ६ जनाको मृत्यु, ३ घाइते

काठमाडौँ — चैत्र १७ ।

ओखलढुंगामा आइतबार जीप दुर्घटना हुँदा ६ जनाको मृत्यु भएको छ । मानेभञ्ज्याङ्ग गाउँपालिका–६ हिलेपानीमा भएको दुर्घटनामा घटनास्थलमै ६ जनाको मृत्यु भएको हो ।

सोलुखुम्बुबाट काठमाण्डौ जाँदै गरेको रातो नम्बर प्लेटको बा १६ च २२०७ नम्बरको जीप दुर्घनामा परेको जिल्ला प्रहरी कार्यालय ओखलढुंगाका प्रहरी निरीक्षक राजिव श्रेष्ठले जानकारी दिए । उनका अनुसार ज्यान गुमाएका मध्ये चार पुरुष र दुई जना महिला छन् ।

दुर्घटनामा एक बालकसहित तीन जना गम्भीर घाइते भएका छन् । उनीहरुको उदयपुरको घुर्मीस्थित आस्था मेडिकलमा उपचार भइरहेको छ । श्रेष्ठका अनुसार दुर्घटनामा ताप्लेजुङका ५५ वर्षीय मिङमा शेर्पा, ४५ वर्षीय सांगेल शेर्पा, काठमाडाैं बौद्धका ३५ वर्षीय नर्वु शेर्पा र बौद्धकै ४० वर्षीय ङमङ शेर्पाकाे पहिचान खुलेकाे छ । चालक कृष्ण श्रेष्ठ घाइते घाइते छन् । प्रारम्भीक अनुसन्धानबाट तिव्र गतिका कारण दुर्घटना भएकाे हुन सक्ने देखिएकाे निरीक्षक श्रेष्ठले बताए ।

(नयाँ पत्रिका)

Leave a Reply

Your email address will not be published. Required fields are marked *