आइत, मंसिर ७, २०८३
Sun, November 22, 2026
Shadow

‘तिमिलाई जब गुमाए’ भन्दै लोकप्रिय अभिनेता मदनकृष्ण श्रेष्ठ (भिडियो)

लोकप्रिय अभिनेता एवं गायक मदनकृष्ण श्रेष्ठको स्वरमा रहेको तिमीलाई जब गुमाए बोलको गीतको भिडियो एक कार्यक्रमका वीच सार्वजनिक गरिएको छ । गैरीधारा स्थित भोजघरमा आयोजित कार्यक्रममा ३५ वर्ष अगाडी गीतकार सरला श्रेष्ठको रचनामा तयार भएको उक्त गीतको भिडियोलाई गायक श्रेष्ठकै सुपुत्री सराना श्रेष्ठले निर्देशन गरेकी हुन । पछिल्लो पटक गायन संग संगै भिडियो निर्देशनमा समेत सक्रिय रहेकी सरानाको स्वरमा रहको गीतहरु लोकप्रिय छन ।

लोकप्रिय अभिनेता हरिवशं आचार्य, किरण केसी, शिवहरि पौडेल, अशोक शर्मा, गौरी शंकर धुजु,यमन श्रेष्ठ लगायत भिडियोका कलाकारहरु नायिका केकी अधिकारी,मोडल नाजिर हुसेन लगायतको निर्माण टिमको उपस्थितीमा भिडियो सार्वजनिक गरिएको थियो । गीत जति मार्मिक छ त्यति नै भिडियो उत्कृष्ट बनेको छ । भिडियो हेर्दा चलचित्र हेरेर विगत सम्झेको प्रतिक्रिया उपस्थित व्यक्तित्वहरुले दिएका थिए ।

https://www.youtube.com/watch?v=yBBofGpKWGA

क्रियटिभ ह्याटस् नामको युट्यूब च्यानलबाट सार्वजनिक गरिएको भिडियोको गीतको संगीत किर्ति न्यौपानेले गरेका हुन भने एरेन्ज फनिन्द्र राईको रहेको छ । हरि हुमागाईको सम्पादन तथा निर्देशन रहेको भिडियोलाई गीतकार सरला श्रेष्ठले निर्माण गरेकी हुन ।

Leave a Reply

Your email address will not be published. Required fields are marked *