शुक्र, मंसिर ५, २०८३
Fri, November 20, 2026
Shadow

सुन-चाँदीको मूल्य घट्यो

आज (सोमबार) नेपाली बजारमा पहेँलो धातु (सुन)को मूल्य घटेको छ ।

नेपाल सुनचाँदी व्यवसायी महासंघका अनुसार सोमबार सुन तोलामा २ सय रुपैयाँले घटेको हो ।

महासंघका अनुसार सोमबार तोलामा २ सय रुपैयाँले घटेर छापावाल सुनको मूल्य प्रतितोला ८७ हजार २ सय रुपैयाँ कायम भएको छ ।

सोमबार तेजाबी सुनको मूल्य प्रतितोला ८६ हजार ७ सय ५० रुपैयाँ कायम भएको छ ।

यसअघि आइतबार छापावाल सुनको मूल्य तोलामा ८७ हजार ४ सय र तेजाबी सुनको मूल्य ८६ हजार ९ सय ५० रुपैयाँ थियो ।

अघिल्लो साताको अन्तिम कारोबार दिन (चैत २० गते, शुक्रबार) तोलामा ९ सय रुपैयाँ बढेर प्रतितोला ८७ हजार ४ सय रुपैयाँ पुगेको सुनको मूल्य यो साताको पहिलो कारोबार दिन (चैत २२ गते, आइतबार) भने स्थिर रहेको थियो ।

सोमबार चाँदीको मूल्यमा पनि सामान्य गिरावट आएको छ । सोमबार तोलामा ५ रुपैयाँले घटेर चाँदीको मूल्य प्रतितोला १ हजार २ सय ३५ रुपैयाँ कायम भएको नेपाल सुनचाँदी व्यवसायी महासंघले जानकारी दिएको छ ।

आइतबार भने चाँदीको मूल्य प्रतितोला १ हजार २ सय ४० रुपैयाँ थियो ।

Leave a Reply

Your email address will not be published. Required fields are marked *