शुक्र, मंसिर ५, २०८३
Fri, November 20, 2026
Shadow

नक्साल तरकारी बजारमा डिजिटल बैंकिङ्गलाई प्रवर्द्धन गर्न सानिमा बैंक क्यूआर कोडबाट भुक्तानी सुरु

नक्साल तरकारी बजारमा डिजिटल बैंकिङ्गलाई प्रवर्द्धन गर्न क्यूआर कोडबाट भुक्तानी को सुरुवात डिजिटल वित्तीय प्रणालीको विकास तथा प्रबर्द्धन गर्न नेपाल राष्ट्र बैंकको निरन्तर पहल अन्तर्गत काठमाण्डौ स्थित नक्साल तरकारी बजारमा क्यूआरकोड बाट भुक्तानी कार्यक्रमको सुरुवात भएको छ । 

नेपाल राष्ट्र बैंक , सानिमा बैंक र नक्साल तरकारी बजारको समन्वयमा आयोजित शुक्रबार नेपाल राष्ट्र बैंकका गभर्नर महाप्रसाद अधिकारीले  फलफूल तथा तरकारी खरिद गर्दा क्यूआर कोडबाट बिल भुक्तानी गरी उक्त कार्यक्रमको थालनी गरेका छन ।

 यस तरकारी बजारमा अपवाद बाहेक सम्पूर्ण पसलहरुमा क्यूआर कोडबाट भुक्तानी गर्न सकिने भएको बैंकले जनाएको छ । डिजिटल अर्थतन्त्रको विकासका लागि  यस प्रकारको कार्यक्रमलाई निरन्तरता दिदै दैनिक उपभोग गर्ने वस्तुहरुको खरिदमा डिजिटल बैकिङ्गको प्रयोगलाई बढावा दिने बैंकले जनाएको छ ।  

डिजिटल भुक्तानी प्रणालीलाई सहजीकरण गर्न सानिमा बैंकले नक्साल तरकारी बजारका विकेताहरुलाई निःशुल्क क्युआर कोड वितरण गरेको थियो । खुद्रा पैसाको झन्झट नहुने , जुन सुकै समयमा पनि निःशुल्क कारोबार गर्न सकिने तथा ग्राहकबाट भुक्तानी भएको रकम वैक खातामै जम्मा हुने हुँदा क्युआर कोडबाट कारोबार निकै सरल र सुरक्षित रहेको पाइएको छ ।

Leave a Reply

Your email address will not be published. Required fields are marked *