काठमाडौं । कोरोना भाइरसको संक्रमणबाट नेपालले एक अर्का वरिष्ठ चिकित्सक गुमाएको छ।
वरिष्ठ चिकित्सक डा.ध्रुव शर्मा मुडभरीको शनिवार उपचारको क्रममा निधन भएको हो।
काठमाडौंको ओम अस्पतालमा उपचारका क्रममा वरिष्ठ चिकित्सक शर्माको मृत्यु भएको अस्पताल स्रोतले जनाएको छ।
लामो समयदेखि ओम अस्पतालमा कार्यरत शर्मालाई केहीदिनअघि कोरोना संक्रमण भएको थियो।
ओम अस्पतालका सञ्चालकसमेत रहेका डा.शर्मा नेपालका वरिष्ठ सर्जन थिए।
डा.मुडभरीको निधनमा ओम अस्पतालले अभिभावक गुमाएको भन्दै दुःख व्यक्त गरेको छ।
