शुक्र, मंसिर ५, २०८३
Fri, November 20, 2026
Shadow

सार्वजनिक यातायात चढ्दा अब अनिवार्य फेस सिल्ड लगाउनु पर्ने

कात्तिक २ काठमाडौं । सार्वजनिक यातायातमा यात्रा गर्दा अब अनिवार्य फेस सिल्ड लगाउनुपर्ने भएको छ ।यातायात व्यवस्था विभागका प्रवक्ता लोकनाथ भुषालले अब सार्वजनिक यातायात प्रयोग गर्दा यात्रुले अनिवार्य फेस सिल्ड प्रयोग गर्नुपर्ने बताएका हुन्।

मास्क लगाएजस्तो अब यात्रुहरूले फेस सिल्ड पनि अनिवार्य प्रयोग गर्नुपर्ने उनले बताए। साथै फेस सिल्डको व्यवस्थापन भने यात्रु आफैले गर्नुपर्ने भुषालले जनाए।उनले फेस सिल्ड नलगाउने यात्रुहरूले यात्रा गर्न नपाउने बताए।

यसरी फेस सिल्डको प्रयोग गर्दा संक्रमण जोखिम कम हुने विभागको विश्वास छ।यसअघि भने सार्वजनिक यातायातमा यात्रा गर्दा मास्कको मात्र प्रयोग गर्ने भनिएको थियो। अब भने मास्कसँगै फेस सिल्डको पनि अनिवार्य प्रयोग गर्नुपर्ने भएको छ।

विभागले यो नियम यथाशिघ्र कार्यान्वयन गर्न सर्वसाधरणलाई अपिल गरेको छ।

Leave a Reply

Your email address will not be published. Required fields are marked *